വന്യജീവി ആക്രമണങ്ങള് കുറയ്ക്കുന്നതിന്റെ ഭാഗമായാണ് ജില്ലാ കളക്ടര് ആനത്താരകള് പുനഃസ്ഥാപിക്കുന്നതിനും കൈയേറ്റ ഭൂമികളിലെയും റവന്യൂഫോറസ്റ്റ് ഭൂമികളിലെയും ഫെന്സിംഗ് ലൈനുകളും തടസങ്ങളും നീക്കം ചെയ്യാന് നിര്ദേശം നല്കിയത്.

വനം വകുപ്പ് മാത്രം വിചാരിച്ചാല് വന്യജീവി ആക്രമണം പരിഹരിക്കാനാവില്ല. മനുഷ്യ നിര്മിതമാണ് ചിന്നക്കനാലിലെ പ്രശ്നങ്ങള്. 301 കോളനി സ്ഥാപിച്ചതു മുതല് ഇവിടെ ജനജീവിതം വന്യജീവികള്ക്കിടയിലാണ്. പ്രശ്നങ്ങള് പരിഹരിക്കണമെങ്കില് പരിസ്ഥിതി സ്നേഹികളും കര്ഷകരും സര്ക്കാരുമായി കൈകോര്ക്കണം.

ഒരു വശത്ത് കര്ഷകരെയും മറുവശത്ത് വന്യ ജീവികളെയും സംരക്ഷിക്കേണ്ട ദൗത്യമാണ് വനം വകുപ്പിന്റേത്. അതിനാലാണ് ഈ പ്രശ്നം പരിഹരിക്കാന് സര്ക്കാര് ഉപദേശക സമിതി രൂപീകരിക്കുന്നത്. അതില് റിസോര്ട്ട് -നഴ്സറി ഉടമകളെ ഉള്പ്പെടുത്തിയത് വിവാദക്കേണ്ടതില്ല. യോഗ്യരായവരാണ് അതില് ഉള്പ്പെട്ടിട്ടുള്ളതെന്നും മന്ത്രി പറഞ്ഞു.