ബെന്നിയുടെ നേതൃത്വത്തിലുള്ള സംഘമാണ് വൈകിട്ട് ചേർത്തല ആലുങ്കലുള്ള വീട്ടില്‍ നിന്ന് ഇദ്ദേഹത്തെ പിടികൂടിയത്. പൊലീസ് കസ്റ്റഡിയില്‍ എടുത്ത ശുചിമുറിമാലിന്യ വാഹനം വിട്ടുകൊടുക്കുന്നതിന് കൈക്കൂലി വാങ്ങുന്നതിനിടെയാണ് ഡിവൈഎസ്പി പിടിയിലായത്.

വാഹനം വിട്ടുകൊടുക്കുന്നതിന് രണ്ടു ലക്ഷം രൂപയാണ് കൈക്കൂലി ആവശ്യപ്പെട്ടത്. ഇക്കാര്യം വാഹന ഉടമ വിജിലൻസിനെ അറിയിച്ചു. തുടർന്ന് ഡിവൈഎസ്പി അനില്‍കുമാർ നിരീക്ഷണത്തിലായിരുന്നു. ആദ്യ ഗഡുവായി 50,000രൂപ കൈപ്പറ്റുന്നതിനിടെയാണ് പിടിയിലായത്.

വിജിലൻസ് സംഘം വരുന്നത് കണ്ട് ഡിവൈഎസ്പി അനില്‍കുമാർ മതില്‍ ചാടി രക്ഷപ്പെടാൻ ശ്രമിച്ചു. തുടർന്ന് വിജിലൻസ് സംഘം പിന്തുടർന്ന് പിടിക്കുകയായിരുന്നു. കൊല്ലം സ്വദേശിയായ അനില്‍കുമാർ കഴിഞ്ഞ തദ്ദേശ തെരഞ്ഞെടുപ്പ് കാലത്താണ് ചേർത്തലയില്‍ ചുമതലയേറ്റത്