ജയ്പൂരിലെ ശ്രീ സത്യ സായി പിജി കോളേജില്‍ ഓഗസ്റ്റ് 22-ന് നടന്ന പരീക്ഷയ്ക്കിടെ വൈദ്യുതി തടസ്സപ്പെട്ടതിനെ തുടർന്ന് പരീക്ഷ മുടങ്ങിയ 49 ഉദ്യോഗാർത്ഥികള്‍ക്കാണ് വീണ്ടും അവസരം നല്‍കുന്നത്.

സെപ്റ്റംബർ 1-ന് രാവിലെ 10 മണിക്ക് ജയ്പൂരിലെ രാജസ്ഥാൻ കോളേജ് ഓഫ് എഞ്ചിനീയറിംഗ് ഫോർ വിമനിലാണ് പുനഃപരീക്ഷ നടക്കുന്നത്. പരീക്ഷ എഴുതേണ്ട ഉദ്യോഗാർത്ഥികള്‍ക്ക് exams.nta.nic.in/aiapget എന്ന ഔദ്യോഗിക വെബ്‌സൈറ്റില്‍ നിന്ന് ഹാള്‍ ടിക്കറ്റ് ഡൗണ്‍ലോഡ് ചെയ്യാവുന്നതാണ്. അഡ്മിറ്റ് കാർഡിലെ വിവരങ്ങള്‍ കൃത്യമാണോയെന്ന് പരിശോധിക്കണമെന്നും, പരീക്ഷാ കേന്ദ്രത്തില്‍ ഇത് നിർബന്ധമായും ഹാജരാക്കണമെന്നും എൻ.ടി.എ നിർദ്ദേശിച്ചിട്ടുണ്ട്.

ഓഗസ്റ്റ് 22-ന് രാജ്യത്തുടനീളമുള്ള 200 കേന്ദ്രങ്ങളിലായി നടന്ന ആദ്യ ഷിഫ്റ്റ് പരീക്ഷയില്‍ ആകെ 36,979 ഉദ്യോഗാർത്ഥികളാണ് രജിസ്റ്റർ ചെയ്തിരുന്നത്. ഇതില്‍ 35,837 പേർ പരീക്ഷ എഴുതുകയും ചെയ്തു.