പാർട്ടി അധ്യക്ഷ മമത ബാനർജിയുടെ അനുമതി ലഭിച്ചതിന് പിന്നാലെയാണ് അദ്ദേഹം തന്റെ രാജി സമർപ്പിച്ചത്. ബംഗാളില്‍ ബിജെപി സർക്കാർ അധികാരമേറ്റ ശേഷം മുനിസിപ്പല്‍ കോർപ്പറേഷന്റെ പ്രവർത്തനങ്ങള്‍ തടസ്സപ്പെടുത്തുന്നുവെന്നും, ഭരണപരമായ പ്രതിസന്ധികള്‍ക്കിടയില്‍ മേയർ സ്ഥാനത്ത് തുടരുന്നത് ബുദ്ധിമുട്ടാണെന്നും ചൂണ്ടിക്കാട്ടിയാണ് അദ്ദേഹം പടിയിറങ്ങുന്നത്.

2018 മുതല്‍ കൊല്‍ക്കത്ത മേയറായി പ്രവർത്തിച്ചുവരികയായിരുന്ന ഫിർഹാദ് ഹക്കിം, തൃണമൂല്‍ കോണ്‍ഗ്രസിലെ ഏറ്റവും സ്വാധീനമുള്ള നേതാക്കളിലൊരാളാണ്. തിരഞ്ഞെടുപ്പ് പരാജയത്തിന് പിന്നാലെ പാർട്ടിയിലെ ആഭ്യന്തര കലഹം രൂക്ഷമായതും, നിരവധി കൗണ്‍സിലർമാർ പാർട്ടി വിട്ടതും ടിഎംസി നേതൃത്വത്തിന് വലിയ തിരിച്ചടിയായിരിക്കുകയാണ്. മമത ബാനർജിയുടെ നിർദ്ദേശപ്രകാരം നേരത്തെ രാജിക്കത്ത് മാറ്റി വെച്ചിരുന്നെങ്കിലും, ഭരണപരമായ അനിശ്ചിതത്വം തുടരുന്ന സാഹചര്യത്തില്‍ അദ്ദേഹം വീണ്ടും രാജി ആവശ്യപ്പെടുകയായിരുന്നു. മേയറുടെ പിന്മാറ്റത്തോടെ കൊല്‍ക്കത്ത മുനിസിപ്പല്‍ കോർപ്പറേഷന്റെ പ്രവർത്തനം പൂർണ്ണമായും സ്തംഭിച്ച അവസ്ഥയിലാണ്. പുതിയ മേയറെ സംബന്ധിച്ച തീരുമാനങ്ങളൊന്നും പാർട്ടി ഇതുവരെ കൈക്കൊണ്ടിട്ടില്ല.