2026-ലെ സമേന കൗണ്‍സില്‍ ലീഡേഴ്‌സ് ഉച്ചകോടിയില്‍ ടെലികമ്മ്യൂണിക്കേഷൻസ് ആൻഡ് ഡിജിറ്റല്‍ ഗവണ്‍മെന്റ് റെഗുലേറ്ററി അതോറിറ്റി ആണ് ഈ സുപ്രധാന പ്രഖ്യാപനം നടത്തിയത്.

അള്‍ട്രാ ഫാസ്റ്റ് ഇന്റർനെറ്റ് സൗകര്യം ഉറപ്പാക്കുന്ന ഈ പുതിയ നെറ്റ്‌വർക്ക്, ഇന്റർനെറ്റ് കണക്ഷനുകള്‍ കൂടുതല്‍ വേഗമേറിയതും തടസ്സമില്ലാത്തതുമാക്കാൻ സഹായിക്കും. 6425-7125 MHz ബാൻഡില്‍ പ്രവർത്തിക്കുന്ന ഇതിനെ “ഗോള്‍ഡൻ സ്പെക്‌ട്രം” എന്നാണ് വിദഗ്ധർ വിശേഷിപ്പിക്കുന്നത്. മികച്ച കവറേജും ഉയർന്ന വേഗതയും ഒരേസമയം നല്‍കാൻ കഴിയുന്ന ഈ സാങ്കേതികവിദ്യ, ഭാവിയിലെ 6G വിപ്ലവത്തിലേക്കുള്ള വലിയൊരു ചുവടുവെപ്പായാണ് വിലയിരുത്തപ്പെടുന്നത്.

യുദ്ധഭീതിക്ക് താല്‍ക്കാലിക വിട! എണ്ണവിലയില്‍ വൻ ഇടിവ്; ഓഹരി വിപണിയില്‍ കുതിപ്പ്

പുതിയ 5G സാങ്കേതികവിദ്യയിലൂടെ ഉപയോക്താക്കള്‍ക്ക് സെക്കൻഡില്‍ 10Gbps വരെ ഡൗണ്‍ലോഡ് വേഗതയും 1Gbps അപ്‌ലോഡ് വേഗതയും ലഭിക്കും. വലിയ ഫയലുകള്‍ നിമിഷങ്ങള്‍ക്കുള്ളില്‍ ഡൗണ്‍ലോഡ് ചെയ്യാനും, ഹൈ-ക്വാളിറ്റി സ്ട്രീമിംഗ് സുഗമമാക്കാനും, ആർട്ടിഫിഷ്യല്‍ ഇന്റലിജൻസ് അധിഷ്ഠിത സേവനങ്ങള്‍ കൂടുതല്‍ കാര്യക്ഷമമാക്കാനും ഇതിലൂടെ സാധിക്കും. ഹുവായ്, നോക്കിയ തുടങ്ങിയ ആഗോള കമ്പനികളുടെയും യുഎഇയിലെ പ്രമുഖ ടെലികോം ഓപ്പറേറ്റർമാരായ ‘ഡു’, ‘ഇ ആൻഡ്’ എന്നിവരുടെയും സഹകരണത്തോടെയാണ് ഈ പദ്ധതി യാഥാർത്ഥ്യമാക്കിയത്.

NB: ഈ വാർത്തയില്‍ ഉപയോഗിച്ചിരിക്കുന്ന ചിത്രം പ്രതീകാത്മകമാണ്. (Generated by AI)