വ്യാഴാഴ്ച (ഒക്‌ടോബർ 22) നടന്ന ഒന്നാം ടി20 മത്സരത്തിനിടെ താരത്തിന്റെ വലതു തുടയ്ക്ക് പരിക്കേറ്റതായി ബി.സി.സി.ഐ ഔദ്യോഗികമായി സ്ഥിരീകരിച്ചു. അഞ്ച് മത്സരങ്ങളുള്ള പരമ്പരയില്‍ ഇന്ത്യ 1-0 ന് മുന്നിട്ടുനില്‍ക്കുന്ന സാഹചര്യത്തില്‍, ബി.സി.സി.ഐ മെഡിക്കല്‍ സംഘം താരത്തിന്റെ പരിക്ക് സസൂക്ഷ്മം നിരീക്ഷിച്ചു വരികയാണ്.

ക്രൈസ്റ്റ്ചർച്ചില്‍ നടന്ന ആദ്യ ടി20യില്‍ 226 റണ്‍സ് എന്ന റിക്കോർഡ് വിജയലക്ഷ്യം രണ്ട് പന്ത് ശേഷിക്കെ 4 വിക്കറ്റ് നഷ്ടത്തില്‍ ഇന്ത്യ മറികടന്നിരുന്നു. സഞ്ജു സാംസണ്‍ (67), അഭിഷേക് ശർമ്മ (29) എന്നിവരുടെ മികച്ച ഓപ്പണിങ് കൂട്ടുകെട്ടിന് ശേഷം ശ്രേയസ് അയ്യർ (42), നമൻ ധിർ (42), അക്സർ പട്ടേല്‍ (42) എന്നിവർ നടത്തിയ പോരാട്ടമാണ് ഇന്ത്യയ്ക്ക് ചരിത്ര ജയം സമ്മാനിച്ചത്. പരമ്പരയിലെ രണ്ടാം ടി20 മത്സരം ശനിയാഴ്ച (ഒക്‌ടോബർ 24) ക്രൈസ്റ്റ്ചർച്ചിലെ ഹാഗ്ലി ഓവലില്‍ നടക്കും. ആദ്യ കളിയിലെ പരാജയത്തിന് പകരം വീട്ടി പരമ്പരയില്‍ ഒപ്പമെത്താൻ കിവീസും, വിജയം തുടരാൻ ഇന്ത്യയും ഇറങ്ങുന്നതോടെ മത്സരം ആവേശകരമാകും.