ഗള്‍ഫ് രാജ്യങ്ങളില്‍ പരീക്ഷാകേന്ദ്രം തിരഞ്ഞെടുത്തവർക്കും, വിദേശത്തായിരിക്കുകയും കേരളത്തില്‍ കേന്ദ്രം ലഭിക്കുകയും ചെയ്തവർക്കും ഈ ആനുകൂല്യം ലഭിക്കും.

പരീക്ഷാകേന്ദ്രങ്ങളില്‍ മാറ്റം വരുത്തിയതിനാല്‍ ഏപ്രില്‍ 1-ന് ലഭിക്കേണ്ടിയിരുന്ന അഡ്മിറ്റ് കാർഡുകള്‍ ഏപ്രില്‍ 8-ലേക്ക് മാറ്റിയിട്ടുണ്ട്. സി.ഇ.ഇ.യുടെ ഔദ്യോഗിക വെബ്‌സൈറ്റിലെ കാൻഡിഡേറ്റ് പോർട്ടല്‍ വഴി വിദ്യാർത്ഥികള്‍ക്ക് കേന്ദ്രം മാറ്റാനുള്ള അപേക്ഷ സമർപ്പിക്കാം. നിശ്ചിത സമയപരിധിക്ക് ശേഷം ലഭിക്കുന്ന അപേക്ഷകള്‍ പരിഗണിക്കില്ലെന്ന് അധികൃതർ വ്യക്തമാക്കി.

കേന്ദ്രം മാറ്റേണ്ട വിധം

ഔദ്യോഗിക വെബ്സൈറ്റ് cee.kerala.gov.in സന്ദർശിക്കുക.

‘KEAM 2026 – Candidate Portal’ എന്ന ലിങ്കില്‍ ക്ലിക്ക് ചെയ്യുക.

ആപ്ലിക്കേഷൻ നമ്പറും പാസ്‌വേഡും നല്‍കി ലോഗിൻ ചെയ്യുക.

മെനുവിലെ ‘Change Centre’ എന്ന ഓപ്ഷൻ തിരഞ്ഞെടുത്ത് പുതിയ കേന്ദ്രം നല്‍കി അപേക്ഷ സമർപ്പിക്കുക.