രാഗേഷ്. നവീൻ ബാബുവിന്റെ കുടുംബത്തിന്റെ ആവശ്യം മുൻപ് ഹൈക്കോടതിയും സുപ്രീം കോടതിയും തള്ളിക്കളഞ്ഞതാണെന്ന് അദ്ദേഹം ഓർമ്മിപ്പിച്ചു. സുപ്രീം കോടതിയേക്കാള്‍ വലിയ ആളാണോ കേരളത്തിലെ പുതിയ മുഖ്യമന്ത്രിയെന്നും കെ.കെ. രാഗേഷ് ശക്തമായി ചോദിച്ചു.

കേരളത്തിലെ മുഖ്യമന്ത്രിയായ വി.ഡി. സതീശന് തന്റെ തന്നെ ആഭ്യന്തര വകുപ്പിന് കീഴിലുള്ള അന്വേഷണ ഏജൻസിയായ വിജിലൻസിനേക്കാള്‍ വിശ്വാസം സിബിഐയില്‍ ആകുന്നത് എന്തുകൊണ്ടാണെന്ന് വ്യക്തമാക്കണമെന്ന് അദ്ദേഹം ആവശ്യപ്പെട്ടു. ഇ.ഡി., സിബിഐ തുടങ്ങിയ കേന്ദ്ര ഏജൻസികളില്‍ വി.ഡി. സതീശന് വല്ലാത്തൊരു വിശ്വാസമുണ്ടാകുന്നത് തികച്ചും അപകടകരമായ കാര്യമാണ്. രാഷ്ട്രീയ ലാഭങ്ങള്‍ക്ക് വേണ്ടിയുള്ള ഇത്തരം നീക്കങ്ങള്‍ കേരളീയ സമൂഹം അതീവ ഗൗരവത്തോടെ കാണേണ്ട വിഷയമാണെന്നും അദ്ദേഹം കൂട്ടിച്ചേർത്തു.

മനസാക്ഷിയുള്ളവർ ചെയ്യുമോ ഇത്? ഗണ്‍മാൻമാരുടെ മർദ്ദനത്തില്‍ രൂക്ഷവിമർശനവുമായി രമേശ് ചെന്നിത്തല

പുതിയ യുഡിഎഫ് സർക്കാർ അധികാരമേറ്റ ശേഷം സിബിഐ അന്വേഷണത്തിന് ശുപാർശ ചെയ്യുന്ന ആദ്യത്തെ കേസാണ് നവീൻ ബാബുവിന്റേത്. മുൻ ഇടതുപക്ഷ സർക്കാരിന്റെ കാലത്ത് സിബിഐക്ക് സംസ്ഥാനത്ത് നേരിട്ട് കേസ് ഏറ്റെടുക്കാനുള്ള പൊതു അനുമതി റദ്ദാക്കിയിരുന്നതിനാല്‍, നിലവില്‍ സിബിഐ അന്വേഷണത്തിന് സംസ്ഥാന സർക്കാരിന്റെ പ്രത്യേക ശുപാർശ അനിവാര്യമാണ്. നവീൻ ബാബുവിന്റെ കുടുംബം ദീർഘകാലമായി ഉന്നയിക്കുന്ന നീതിക്ക് വേണ്ടിയുള്ള ആവശ്യം പരിഗണിച്ചാണ് കേസ് സിബിഐക്ക് വിടാൻ സംസ്ഥാന സർക്കാർ തീരുമാനിച്ചതെന്നാണ് ഔദ്യോഗിക വിശദീകരണം.