വ്യാഴാഴ്ച രാവിലെയുണ്ടായ ഈ സംഭവത്തില്‍ കാറിലുണ്ടായിരുന്ന യാത്രക്കാർക്ക് പരിക്കേറ്റു. ഇതില്‍ ഒരു കുട്ടിയും ഉള്‍പ്പെടുന്നുണ്ടെങ്കിലും ആരുടെയും പരിക്ക് ഗുരുതരമല്ല. വാഹനത്തിന്റെ ഏറ്റവും പിൻഭാഗത്തെ സീറ്റിന് മുകളിലേക്കാണ് മരം പതിച്ചത് എന്നതിനാല്‍ മാത്രമാണ് കാറിലുണ്ടായിരുന്നവർ വലിയൊരു ദുരന്തത്തില്‍ നിന്നും അത്ഭുതകരമായി രക്ഷപ്പെട്ടത്. അപകടത്തില്‍ കാറിന്റെ പിൻഭാഗം പൂർണ്ണമായും തകർന്നിട്ടുണ്ട്. പരിക്കേറ്റവരെ ഉടൻ തന്നെ സമീപത്തെ ആശുപത്രിയിലേക്ക് മാറ്റി.

അപകടത്തെ തുടർന്ന് ചുരത്തില്‍ ദീർഘനേരം വൻ ഗതാഗതക്കുരുക്കാണ് അനുഭവപ്പെട്ടത്. കല്‍പ്പറ്റയില്‍ നിന്നെത്തിയ അഗ്നിരക്ഷാസേന, ചുരം സംരക്ഷണ സമിതിയിലെ സന്നദ്ധപ്രവർത്തകർ, ഹൈവേ പോലീസ്, മറ്റ് യാത്രക്കാർ എന്നിവർ സംയുക്തമായി നടത്തിയ കാല്‍മണിക്കൂറുകളോളം നീണ്ട ശ്രമത്തിനൊടുവിലാണ് മരം മുറിച്ചുമാറ്റിയത്. കഴിഞ്ഞ കുറച്ചു ദിവസങ്ങളായി ചുരത്തില്‍ കനത്ത മഴ തുടരുന്നതാണ് മരം വീഴാൻ കാരണമായത്.