പ്രതിദിനം 10,000 മുതല്‍ 12,000 വരെ ക്യുസെക്സ് ജലമാണ് തുറന്നുവിടുന്നത്. 45 ദിവസത്തേക്ക് തുടരുന്ന ഈ ജലസേചനത്തിലൂടെ 13 ജില്ലകളിലായി ഏകദേശം 8 ലക്ഷത്തോളം ഏക്കർ സ്ഥലത്തെ കൃഷിക്ക് വെള്ളം ലഭിക്കും.

സാധാരണയായി എല്ലാ വർഷവും ജൂണ്‍ മാസത്തിലാണ് കാർഷിക ആവശ്യങ്ങള്‍ക്കായി മേട്ടൂർ അണക്കെട്ട് തുറക്കാറുള്ളത്. എന്നാല്‍ ഇത്തവണ മഴ കുറഞ്ഞതും കാവേരി നദീജല വിഹിതം കർണാടക വൈകിപ്പിച്ചതും കാരണം ഡാം തുറക്കുന്നത് ഏറെ വൈകുകയും, ഇത് കർഷകരെ വലിയ പ്രതിസന്ധിയിലാക്കുകയും ചെയ്തിരുന്നു. ജൂണ്‍ മാസത്തില്‍ ചെയ്യേണ്ട കുറുവ നെല്‍കൃഷി പലയിടത്തും മുടങ്ങിയിരുന്നു. നിലവില്‍ ഡാമിലെ ജലനിരപ്പ് 90 അടിയായി ഉയ‌ർന്ന സാഹചര്യത്തിലാണ് സർക്കാർ ഷട്ടറുകള്‍ തുറക്കാൻ തീരുമാനിച്ചത്. ഈ സീസണില്‍ സമ്പ നെല്‍കൃഷിക്കാണ് കർഷകർ പ്രധാനമായും തയ്യാറെടുക്കുന്നത്.

സേലം എയർപോർട്ടില്‍ നിന്നും റോഡ് ഷോ ആയിട്ടാണ് മുഖ്യമന്ത്രി സി. ജോസഫ് വിജയ് മേട്ടൂരില്‍ എത്തിയത്. വഴിയീടനിലുടനീളം നൂറുകണക്കിന് പ്രവർത്തകരാണ് അദ്ദേഹത്തെ സ്വീകരിക്കാൻ തടിച്ചുകൂടിയത്. തുടർന്ന് മേട്ടൂർ ഡാമിന്റെ ചരിത്രം വിവരിക്കുന്ന ഫോട്ടോ പ്രദർശനം കണ്ട ശേഷമാണ് മുഖ്യമന്ത്രി മടങ്ങിയത്.