അഫ്ഗാനിസ്ഥാനെ 20 ഓവറില്‍ 8 വിക്കറ്റിന് 156 റണ്‍സില്‍ ഒതുക്കിയ ഇന്ത്യ, കേവലം 13.4 ഓവറില്‍ ലക്ഷ്യം മറികടന്നു. 32 പന്തില്‍ 7 സിക്സും 7 ഫോറുമടക്കം 82 റണ്‍സടിച്ച അഭിഷേക് ശർമ്മയുടെ ബാറ്റിംഗ് വെടിക്കെട്ടാണ് ഇന്ത്യയ്ക്ക് അനായാസ വിജയം സമ്മാനിച്ചത്.

എന്നാല്‍ ഓപ്പണറായി ഇറങ്ങിയ സഞ്ജു സാംസണ്‍ കേവലം 10 റണ്‍സെടുത്ത് ഒമർസായിയുടെ പന്തില്‍ പുറത്തായത് തിരിച്ചടിയായി. 15-കാരനായ ബാറ്റിംഗ് അത്ഭുതം വൈഭവ് സൂര്യവംശിയെ പ്ലേയിംഗ് ഇലവനില്‍ ഉള്‍പ്പെടുത്താതെയാണ് സഞ്ജുവിന് അവസരം നല്‍കിയിരുന്നത്. സഞ്ജു തുടർച്ചയായി അവസരങ്ങള്‍ പാഴാക്കുന്നത് ടീമിലെ സ്ഥാനത്തെ വീണ്ടും ചോദ്യചിഹ്നമാക്കുകയാണ്. വരാനിരിക്കുന്ന മത്സരങ്ങളില്‍ അനുഭവസമ്പത്തിനൊപ്പം യുവതാരങ്ങള്‍ക്ക് മുൻഗണന നല്‍കേണ്ടിവരുമെന്നതിനാല്‍ ക്യാപ്റ്റൻ ശ്രേയസ് അയ്യർക്കും കോച്ച്‌ ഗൗതം ഗംഭീറിനും സെലക്ഷൻ തീരുമാനങ്ങള്‍ കടുപ്പമേറിയതാകും.