Friday, 27 Nov, 11.46 pm Fanport

പ്രധാന വാര്‍ത്തകള്‍
ഗോള്‍ ഗ്ലാഡിയേറ്റേഴ്സിനെ മറികടന്ന് ജാഫ്ന സ്റ്റാലിയന്‍സ്

അവിഷ്ക ഫെര്‍ണാണ്ടോയുട ബാറ്റിംഗ് മികവില്‍ ജാഫ്ന സ്റ്റാലിയന്‍സിന് മികച്ച വിജയം. ഗോള്‍ ഗ്ലാഡിയേറ്റേഴ്സിനെതിര 8 വിക്കറ്റ് വിജയമാണ് ടീം ഇന്ന് നേടിയത്. 176 റണ്‍സ് വിജയ ലക്ഷ്യം തേടിയിറങ്ങിയ ജാഫ്നയ്ക്ക് വേണ്ടി പുറത്താകാതെ 92 റണ്‍സ് നേടിയ അവിഷ്ക ഫെര്‍ണാണ്ടോയുടെ പ്രകടനമാണ് വേറിട്ട് നിന്നത്. ഷൊയ്ബ് മാലിക് 27 റണ്‍സുമായി താരത്തിന് പിന്തുണ നല്‍കിയപ്പോള്‍ ജാഫ്ന 2 വിക്കറ്റ് നഷ്ടത്തില്‍ 19.3 ഓവറില്‍ വിജയം കരസ്ഥമാക്കി.

23 പന്തില്‍ 58 റണ്‍സ് നേടിയ ഷാഹിദ് അഫ്രീദിയുടെ ഇന്നിംഗ്സിന്റെ ബലത്തിലാണ് ഗോള്‍ 8 വിക്കറ്റ് നഷ്ടത്തില്‍ 175 റണ്‍സ് നേടിയത്. ഗുണതിലക 38 റണ്‍സ് നേടി. ദക്ഷിണാഫ്രിക്കയുടെ ഡുവാന്നേ ഒളിവിയര്‍ നാല് വിക്കറ്റുമായി ജാഫ്ന ബൗളര്‍മാരില്‍ തിളങ്ങി.

Dailyhunt
Disclaimer: This story is auto-aggregated by a computer program and has not been created or edited by Dailyhunt. Publisher: Fanport
Top