എവർട്ടന്റെ യുവ മിഡ്ഫീല്ഡർ ഹാരിസണ് ആംസ്ട്രോങ്ങിനെ സ്വന്തമാക്കാനുള്ള നീക്കങ്ങളുമായി നോട്ടിംഗ്ഹാം ഫോറസ്റ്റ് മുന്നോട്ട് പോകുന്നു.
40 മില്യണ് പൗണ്ടും ഭാവിയിലെ റീസെയില് തുകയുടെ ഒരു പങ്കും അടങ്ങുന്ന കരാറിനെക്കുറിച്ചാണ് ഇരു ക്ലബ്ബുകളും തമ്മില് ചർച്ചകള് നടക്കുന്നത്. എവർട്ടണ് സീനിയർ ടീമിനായി 22 മത്സരങ്ങളില് കളത്തിലിറങ്ങിയ 19 വയസ്സുകാരനായ ആംസ്ട്രോങ്, മാഞ്ചസ്റ്റർ സിറ്റിയിലേക്ക് ചേക്കേറിയ എലിയറ്റ് ആൻഡേഴ്സന് പകരക്കാരനായാണ് ഫോറസ്റ്റിന്റെ പട്ടികയില് ഇടംപിടിച്ചത്.
ഇംഗ്ലീഷ് ഫുട്ബോളില് ആംസ്ട്രോങ്ങിന്റെ ദ്രുതഗതിയിലുള്ള വളർച്ചയും മികവും വ്യക്തമാക്കുന്നതാണ് ഫോറസ്റ്റിന്റെ ഈ നീക്കം. തങ്ങളുടെ വളർന്നുവരുന്ന യുവതാരത്തെ നഷ്ടപ്പെടുന്നത് എവർട്ടണ് വലിയ തിരിച്ചടിയാണെങ്കിലും, യുവ മിഡ്ഫീല്ഡർമാർക്ക് വൻതുക വിലമതിക്കുന്ന നിലവിലെ ട്രാൻസ്ഫർ വിപണിയില് ഈ ഓഫർ നിരസിക്കുക എവർട്ടണ് പ്രയാസകരമായിരിക്കും.