പരിശീലനത്തിനിടെ കണങ്കാലിനേറ്റ ലിഗമെന്റ് പരിക്കാണ് താരത്തിന് തിരിച്ചടിയായത്. ഇതോടെ ഈ വർഷത്തെ മത്സരരംഗത്തുനിന്ന് പിന്മാറാൻ താരം നിർബന്ധിതനായി.

സീസണിലെ ഏറ്റവും പ്രധാനപ്പെട്ട മത്സരങ്ങള്‍ നടക്കാനിരിക്കെയാണ് ഈ തിരിച്ചടി. സെപ്റ്റംബർ 5 ന് നടക്കുന്ന ഡയമണ്ട് ലീഗ് ഫൈനല്‍, സെപ്റ്റംബർ 13 ലെ വേള്‍ഡ് അത്‌ലറ്റിക്സ് അള്‍ട്ടിമേറ്റ്, സെപ്റ്റംബർ 28 ന് ആരംഭിക്കുന്ന ഏഷ്യൻ ഗെയിംസ് എന്നിവയില്‍ നീരജ് ചോപ്രയ്ക്ക് മത്സരിക്കാൻ സാധിക്കില്ല. അടുത്തിടെ ലൊസാന ഡയമണ്ട് ലീഗില്‍ 88.05 മീറ്റർ എറിഞ്ഞ് മികച്ച ഫോമിലേക്ക് ഉയർന്നു വരുന്നതിനിടെയാണ് പരിക്കിന്റെ രൂപത്തില്‍ നിർഭാഗ്യം താരത്തെ തേടിയെത്തിയത്.