ചിക്കാഗോയില്‍ നടക്കുന്ന വിൻഡി സിറ്റി ഓപ്പണ്‍ പി.എസ്.എ പ്ലാറ്റിനം ടൂർണമെന്റില്‍ ഇന്ത്യയുടെ യുവ സ്ക്വാഷ് താരം അനാഹത് സിംഗിന് തകർപ്പൻ വിജയം.

മുപ്പത്തിരണ്ടാം റൗണ്ടില്‍ ഈജിപ്തിന്റെ സെയ്‌ന മിക്കാവിയെ ഒന്നിനെതിരെ മൂന്ന് ഗെയിമുകള്‍ക്കാണ് പതിനേഴുകാരിയായ അനാഹത് പരാജയപ്പെടുത്തിയത്.

ആദ്യ ഗെയിം 11-13 എന്ന സ്കോറിന് നഷ്ടമായെങ്കിലും പതറാതെ പോരാടിയ താരം അടുത്ത മൂന്ന് ഗെയിമുകളും (11-5, 11-6, 11-6) ആധികാരികമായി സ്വന്തമാക്കി പ്രീ-ക്വാർട്ടറിലേക്ക് മുന്നേറി. അടുത്ത റൗണ്ടില്‍ ലോക പത്താം നമ്പർ താരം ബെല്‍ജിയത്തിന്റെ ടിൻ ഗിലിസാണ് അനാഹതിന്റെ എതിരാളി. മുൻപ് നടന്ന പ്രധാന മത്സരത്തില്‍ ടിന്നിനെ അട്ടിമറിച്ച ചരിത്രം അനാഹതിനുണ്ട്.