(https://moviemax.in/) ഫഹദ് ഫാസിലിനെ നായകനാക്കി വിനീത് കുമാർ സംവിധാനം ചെയ്ത ചിത്രമാണ് 'അയാള്‍ ഞാനല്ല'.

ചിത്രത്തില്‍ ഫഹദ് അവതരിപ്പിച്ച ഇരട്ട വേഷങ്ങളും അദ്ദേഹത്തിന്റെ വ്യത്യസ്തമായ ഗെറ്റപ്പുകളും ഏറെ ശ്രദ്ധിക്കപ്പെട്ടിരുന്നു.

മികച്ച പ്രതികരണം നേടിയ ഈ സിനിമയിലെ ഫഹദിന്റെ ലുക്കിന് പിന്നിലെ കഥകളെക്കുറിച്ച്‌ സംവിധായകൻ വിനീത് കുമാർ ഇപ്പോള്‍ മനസ്സ് തുറക്കുകയാണ്. ചിത്രത്തിലെ കഥാപാത്രത്തിന് ലഭിച്ച വലിയ സ്വീകാര്യതയുടെ പശ്ചാത്തലത്തിലാണ് വിനീതിന്റെ ഈ വെളിപ്പെടുത്തല്‍.

'ഞാൻ പറഞ്ഞുകൊണ്ട് മാത്രമാണ് വിഗ് വച്ചതെന്ന് ഫഹദ് പറയും. അവനു ഒട്ടും ഇഷ്ടമല്ല അങ്ങനെ ചെയ്യുന്നത്. പക്ഷേ ആ കഥാപാത്രം അങ്ങനെ ഡിമാൻഡ് ചെയ്യുന്നുണ്ട്. കാരണം രണ്ട് ഗെറ്റപ്പുള്ള കഥാപാത്രം ആണത്.

അയാള്‍ ഞാനല്ലയുടെ കഥ രഞ്ജിത്തേട്ടന്റെ ആണെങ്കിലും സ്ക്രിപ്റ്റ് ഞാൻ ആണ്. ശരിക്കും ആദ്യത്തെ സിനിമയായി ഞാൻ ഉദ്ദേശിച്ചത് ഈ സിനിമ ആയിരുന്നില്ല.

നിരവധി കഥകള്‍ ആദ്യത്തെ സിനിമയ്ക്കായി എഴുതിയിരുന്നു. അതെല്ലാം രഞ്ജിത്തേട്ടനോട് പറഞ്ഞപ്പോള്‍ അദ്ദേഹത്തിന് ഇഷ്ടമായി. അങ്ങനെയിരിക്കുമ്പോഴാണ് ഒരു പോയിന്റില്‍ അയാള്‍ ഞാനല്ലയുടെ കഥ അദ്ദേഹം എന്നോട് ഇങ്ങോട്ട് പറയുന്നതും ഞാൻ ഈ സിനിമ ചെയ്യുന്നതും', വിനീത് കുമാറിന്റെ വാക്കുകള്‍. റിപ്പോർട്ടർ ഫിലിംസിനോട് സംസാരിക്കുകയായിരുന്നു അദ്ദേഹം.

ദിവ്യ പിള്ള, മൃദുല മുരളി, ശ്രീകുമാർ, സിജോയ് തുടങ്ങിയവരാണ് സിനിമയിലെ പ്രധാന അഭിനേതാക്കള്‍. രഞ്ജിത്ത് ആണ് സിനിമയ്ക്കായി കഥ ഒരുക്കിയത്. സംഭവം ആണ് അവസാനം പുറത്തിറങ്ങിയ വിനീത് കുമാർ ചിത്രം.

ജിത്തു സതീശൻ മംഗലത്ത് രചനയും സംവിധാനവും നിര്‍വ്വഹിച്ച സംഭവം അധ്യായം ഒന്ന് എന്ന ചിത്രം മികച്ച അഭിപ്രായം ആണ് തിയേറ്ററുകളില്‍ നിന്നും നേടിയത്.

മിസ്റ്ററി ഫാന്‍റസി ത്രില്ലര്‍ ഗണത്തില്‍ പെടുന്ന ചിത്രത്തില്‍ അസ്‌കർ അലി ആണ് നായകനായി എത്തിയത്. ഒപ്പം നിഗൂഢതകള്‍ പേറുന്ന ഒരു വനവും. കേരള- തമിഴ്നാട് അതിര്‍ത്തിയിലുള്ള ഒരു വനപ്രദേശത്താണ് ചിത്രത്തിൻ്റെ കഥ നടക്കുന്നത്.