ജനവാസ മേഖലകളെയും സിവിലിയൻ അടിസ്ഥാന സൗകര്യങ്ങളെയും ലക്ഷ്യമിട്ട് ഇറാൻ തൊടുത്തുവിട്ട മൂന്ന് മിസൈലുകളും നിരവധി അത്യാധുനിക ഡ്രോണുകളുമാണ് വ്യോമപ്രതിരോധ സംവിധാനം ഉപയോഗിച്ച്‌ തകർത്തതെന്ന് ബഹ്‌റൈൻ പ്രതിരോധ സേനയുടെ ജനറല്‍ കമാൻഡ് ഔദ്യോഗികമായി അറിയിച്ചു.

രാജ്യത്തിന്റെ പരമാധികാരവും ജനങ്ങളുടെ സുരക്ഷയും ഉറപ്പാക്കുന്നതിനായി വ്യോമസേനയും പ്രതിരോധ സേനയുടെ എല്ലാ വിഭാഗങ്ങളും ഏറ്റവും ഉയർന്ന സന്നദ്ധതയിലും പ്രതിരോധ തയ്യാറെടുപ്പിലുമാണെന്ന് അധികൃതർ വ്യക്തമാക്കി.

അതേസമയം, ബഹ്‌റൈൻ ആസ്ഥാനമായി പ്രവർത്തിക്കുന്ന യു.എസ് അഞ്ചാം കപ്പല്‍പ്പടയ്ക്ക് നേരെ മിസൈല്‍-ഡ്രോണ്‍ ആക്രമണം നടത്തിയെന്ന ഇറാന്റെ ഇസ്ലാമിക് റെവല്യൂഷണറി ഗാർഡ് കോർപ്സിന്റെ (IRGC) അവകാശവാദം യു.എസ് സെൻട്രല്‍ കമാൻഡ് ശക്തമായി നിഷേധിച്ചു.

ബഹ്‌റൈന് പുറമെ അയല്‍രാജ്യമായ കുവൈത്തിന് നേരെയും ഇന്ന് ഇറാന്റെ ഭാഗത്തുനിന്ന് ആക്രമണമുണ്ടായി. കുവൈത്ത് അന്താരാഷ്ട്ര വിമാനത്താവളത്തിന് നേരെ ഇറാൻ നടത്തിയ ഡ്രോണ്‍ ആക്രമണത്തില്‍ നിരവധി പേർക്ക് പരിക്കേല്‍ക്കുകയും വിമാനത്താവള കെട്ടിടത്തിന് കാര്യമായ നാശനഷ്ടങ്ങള്‍ സംഭവിക്കുകയും ചെയ്തതായി കുവൈത്ത് സിവില്‍ ഏവിയേഷൻ സ്ഥിരീകരിച്ചു. ഗള്‍ഫ് മേഖലയില്‍ കനത്ത അസ്വസ്ഥത പടർത്തുന്നതാണ് ഇറാന്റെ പുതിയ നീക്കങ്ങള്‍.

Content Highlight: Three missiles and drones destroyed in Iranian airstrikes on Bahrain

#Latest News#Iran's Airstrike#Bahrain#Three Missiles And Drones Destroyed