ഈ പ്രവൃത്തി മറ്റ് റോഡ് ഉപയോക്താക്കളുടെ ജീവന് വലിയ രീതിയില്‍ അപകടഭീഷണി ഉയർത്തുന്നുണ്ടെന്ന് അധികൃതർ വ്യക്തമാക്കി.

എതിർദിശയില്‍ നിന്നും വരുന്ന വാഹനങ്ങളിലെ ഡ്രൈവർമാരുടെ കാഴ്ചശക്തിയെ ഹൈ ബീം ലൈറ്റുകളുടെ അമിത വെളിച്ചം ഗുരുതരമായി ബാധിക്കും. കൂടാതെ, മുന്നില്‍ സഞ്ചരിക്കുന്ന വാഹനങ്ങളുടെ സൈഡ്, റിയർ വ്യൂ മിററുകളില്‍ ഈ പ്രകാശം പതിക്കുന്നത് വലിയ കാഴ്ചതടസ്സവും അസ്വസ്ഥതയും സൃഷ്ടിക്കുന്നു.

ഇത് റോഡില്‍ കടുത്ത ആശയക്കുഴപ്പങ്ങള്‍ക്കും വലിയ അപകടങ്ങള്‍ക്കും കാരണമാവുന്നുണ്ട്. അത്യാവശ്യ ഘട്ടങ്ങളില്‍ മാത്രമായി ഹൈ ബീം ലൈറ്റുകളുടെ ഉപയോഗം കർശനമായി പരിമിതപ്പെടുത്തണമെന്ന് ട്രാഫിക് വകുപ്പ് നിർദേശിച്ചിട്ടുണ്ട്. മറ്റ് വാഹനങ്ങള്‍ എതിർദിശയില്‍ നിന്നെത്തുമ്പോഴോ തൊട്ടുമുന്നില്‍ സഞ്ചരിക്കുമ്പോഴോ റോഡ് സുരക്ഷ മുൻനിർത്തി ഡ്രൈവർമാർ ഉടനടി ലൈറ്റ് ഡിം ചെയ്യാൻ ശ്രദ്ധിക്കണമെന്നും അധികൃതർ അഭ്യർഥിച്ചു.

Content Highlight: Saudi Traffic Warns Against Misuse of High Beam Headlights on Roads

#Saudi Traffic#High Beam#Road Safety Saudi#Gulf News#Saudi Driving