(moviemax.in) മലയാള സിനിമാ ലോകം ഒന്നടങ്കം കാത്തിരുന്ന "പേട്രിയറ്റ്" എന്ന ബ്രഹ്മാണ്ഡ ചിത്രത്തിന്റെ ട്രെയ്ലർ പുറത്തിറങ്ങി 24 മണിക്കൂർ പിന്നിടുമ്ബോള് റെക്കോർഡുകള് തകർത്ത് മുന്നേറുകയാണ്.
ഇതിനോടകം 5 മില്യണിലധികം കാഴ്ചക്കാരെ സ്വന്തമാക്കിയ ട്രെയ്ലർ ആഗോളതലത്തില് തന്നെ യൂട്യൂബില് ട്രെൻഡിംഗായി തുടരുന്നു.
മലയാളത്തിന്റെ പ്രിയതാരങ്ങളായ മമ്മൂട്ടിയും മോഹൻലാലും ചേർന്ന് നടത്തിയ വ്യത്യസ്തമായ ട്രെയ്ലർ ലോഞ്ച് ചടങ്ങുകള് ആരാധകർക്ക് ആവേശകരമായ അനുഭവമാണ് സമ്മാനിച്ചത്. തൃശൂർ രാഗം തീയേറ്ററില് മമ്മൂട്ടിയും എറണാകുളം കവിത തീയേറ്ററില് മോഹൻലാലും ഒരേസമയം ട്രെയ്ലറുകള് പുറത്തിറക്കി ഇന്ത്യൻ സിനിമാ ചരിത്രത്തില് തന്നെ സമാനതകളില്ലാത്ത ഒരു തുടക്കം കുറിച്ചു.
ഏകദേശം 18 വർഷത്തെ നീണ്ട ഇടവേളയ്ക്ക് ശേഷം മമ്മൂട്ടിയും മോഹൻലാലും വെള്ളിത്തിരയില് നായകന്മാരായി ഒന്നിക്കുന്നു എന്ന പ്രത്യേകതയാണ് ചിത്രത്തിന് ഇത്രയേറെ സ്വീകാര്യത നേടിക്കൊടുത്തത്. മഹേഷ് നാരായണൻ സംവിധാനം ചെയ്യുന്ന ഈ ബിഗ് ബജറ്റ് ചിത്രത്തില് ഫഹദ് ഫാസില്, കുഞ്ചാക്കോ ബോബൻ, നയൻതാര, രേവതി തുടങ്ങി വൻ താരനിര തന്നെ അണിനിരക്കുന്നുണ്ട്.
ആന്റോ ജോസഫ് ഫിലിം കമ്ബനിയുടെയും കിച്ചപ്പു ഫിലിംസിന്റെയും ബാനറില് പുറത്തിറങ്ങുന്ന ചിത്രം മെയ് ഒന്നിനാണ് ആഗോളതലത്തില് റിലീസ് ചെയ്യുന്നത്. മാനുഷ് നന്ദന്റെ ഛായാഗ്രഹണവും സുഷിൻ ശ്യാമിന്റെ സംഗീതവും ചിത്രത്തിന് മികച്ച സാങ്കേതിക മികവ് നല്കുന്നു.
പ്രകാശ് ബെലവാടി, ദർശന രാജേന്ദ്രൻ, ജിനു ജോസഫ് തുടങ്ങിയവരും ചിത്രത്തില് സുപ്രധാന വേഷങ്ങളില് എത്തുന്നുണ്ട്. എഡിറ്റിംഗ് മഹേഷ് നാരായണനും രാഹുല് രാധാകൃഷ്ണനും ചേർന്നാണ് നിർവഹിച്ചിരിക്കുന്നത്.
ആൻ മെഗാ മീഡിയ തിയേറ്ററുകളില് എത്തിക്കുന്ന ഈ ചിത്രം മലയാള സിനിമാ ചരിത്രത്തിലെ തന്നെ ഏറ്റവും വലിയ റിലീസുകളില് ഒന്നായിട്ടാണ് കണക്കാക്കപ്പെടുന്നത്. ട്രെയ്ലറിന് ലഭിച്ച ഈ വൻ വരവേല്പ്പ് ചിത്രത്തിന് വേണ്ടിയുള്ള പ്രേക്ഷകരുടെ ആകാംക്ഷ എത്രത്തോളമാണെന്ന് വ്യക്തമാക്കുന്നു.
'Patriot' trailer goes viral on YouTube