'രേണു സുധി' എന്നതിന് പകരം രേഷ്മ പി. തങ്കച്ചൻ എന്നാണ് ഇൻസ്റ്റഗ്രാമിലെ പേര് പുതുക്കിയിരിക്കുന്നത്. അക്കൗണ്ട് വേരിഫൈഡ് (ബ്ലൂ ടിക്ക്) ആയതിനെത്തുടർന്നാണ് ഈ മാറ്റം വരുത്തിയത്.

യൂസർനെയിമില്‍ പേര് മാറ്റിയിട്ടുണ്ടെങ്കിലും പ്രൊഫൈല്‍ നെയിം ഇപ്പോഴും രേണു സുധി എന്ന് തന്നെയാണ് നിലനിർത്തിയിരിക്കുന്നത്. നേരത്തെ യൂസർനെയിമിലും പ്രൊഫൈലിലും രേണു സുധി എന്നായിരുന്നു ഉപയോഗിച്ചിരുന്നത്. നിലവില്‍ ഇൻസ്റ്റഗ്രാമില്‍ നാല് ലക്ഷത്തിലധികം ഫോളോവേഴ്സ് ആണ് രേണുവിനുള്ളത്.

പേരിനെ ചൊല്ലി രേണുവിന് വലിയ രീതിയില്‍ ട്രോളുകളും വിമർശനങ്ങളും നേരിടേണ്ടി വന്നിരുന്നു. ഇപ്പോഴത്തെ ഈ പേരു മാറ്റം, ഈ പരിഹാസങ്ങള്‍ക്കും ട്രോളുകള്‍ക്കും നല്‍കിയ മറുപടിയാണെന്നാണ് സമൂഹമാധ്യമങ്ങളില്‍ ഒരു വിഭാഗം പറയുന്നത്. എന്നാല്‍ മറ്റൊരു വശത്ത്, ഇൻസ്റ്റഗ്രാം വെരിഫിക്കേഷൻ പ്രക്രിയയില്‍ ഔദ്യോഗിക രേഖകളിലുള്ള പേര് ഉപയോഗിക്കേണ്ടതു മൂലമാകാം ഇത്തരത്തിലൊരു മാറ്റം നടത്തിയത് എന്ന വിലയിരുത്തലും ഉയരുന്നുണ്ട്. സുധിയുടെ പേര് ഒപ്പം ചേർത്തുകൊണ്ട് പ്രശസ്തി നേടുകയാണ് രേണു ചെയ്യുന്നത് എന്ന രീതിയിലുള്ള വിമർശനം വലിയ രീതിയില്‍ നേരിട്ടത് കൊണ്ട് തന്നെ പലരും 'സുധിയുടെ പേര് ഒഴിവാക്കിയത് നന്നായി' എന്നും പറയുന്നുണ്ട്.

ബിഗ് ബോസ് മലയാളം സീസണ്‍ 7-ലൂടെയും അതിനു മുൻപും വലിയ ആരാധകവൃന്ദത്തെ സ്വന്തമാക്കിയ രേണു, ഷോയ്ക്ക് ശേഷവും ഉദ്ഘാടനങ്ങളും ആല്‍ബം ഷൂട്ടുകളും സ്റ്റേജ് പ്രോഗ്രാമുകളുമായി തിരക്കിലാണ്. ഇൻസ്റ്റഗ്രാമിലെ പുതിയ ഫീച്ചറായ 'സബ്‌സ്‌ക്രിപ്ഷൻ' സേവനം പരീക്ഷിച്ച്‌ നല്ലൊരു തുക തനിക്ക് വരുമാനമായി കിട്ടുന്നുണ്ടെന്നും അത് വേണ്ടെന്നു വെയ്ക്കുന്നില്ലെന്നും രേണു അടുത്തിടെ പറഞ്ഞിരുന്നു.

Renu Sudhi changes name after subscription feature; now has a new identity