ജനറല്‍ അതോറിറ്റി ഓഫ് സിവില്‍ ഏവിയേഷൻ കഴിഞ്ഞ മാസത്തെ കണക്കുകള്‍ പുറത്തുവിട്ടതിലാണ് ഈ വിവരം.

മൊത്തം വിമാനക്കമ്പനികള്‍ക്കെതിരെ 1,965 പരാതികളാണ് കഴിഞ്ഞ മാസം രജിസ്റ്റർ ചെയ്തത്. ഇതില്‍ ഒരു ലക്ഷം യാത്രക്കാർക്ക് 39 പരാതികള്‍ എന്ന നിരക്കോടെയാണ് സൗദി എയർലൈൻസ് മുന്നിലെത്തിയത്. ലഭിച്ച പരാതികളില്‍ 89 ശതമാനവും സമയബന്ധിതമായി പരിഹരിച്ചതായും റിപ്പോർട്ടില്‍ പറയുന്നു.

യാത്രക്കാർക്ക് മികച്ച സേവനം നല്‍കുന്നതില്‍ സൗദി എയർലൈൻസ് സ്വീകരിക്കുന്ന കർശന നടപടികളാണ് ഈ നേട്ടത്തിന് കാരണമെന്ന് വിലയിരുത്തുന്നു.ഒരു ലക്ഷം യാത്രക്കാർക്ക് 56 പരാതികള്‍ എന്ന നിരക്കില്‍ ഫ്ലൈനാസ് രണ്ടാം സ്ഥാനം കരസ്ഥമാക്കി. ഫ്ലൈഅദീല്‍ മൂന്നാം സ്ഥാനത്താണ്.

സൗദിയിലെ ആഭ്യന്തര വിമാനക്കമ്പനികള്‍ക്കിടയില്‍ ശക്തമായ മത്സരമാണ് നിലനില്‍ക്കുന്നത്. എന്നാല്‍ സേവനിലവാരത്തിന്റെയും പരാതി പരിഹാരത്തിന്റെയും കാര്യത്തില്‍ സൗദി എയർലൈൻസ് മുന്നില്‍ തന്നെ നില്‍ക്കുന്നതായി കണക്കുകള്‍ വ്യക്തമാക്കുന്നു.വിമാന സർവീസുകളുടെ കൃത്യത, ടിക്കറ്റ് ബുക്കിംഗ്, ബാഗേജ് കൈകാര്യം ചെയ്യല്‍ എന്നിവയുമായി ബന്ധപ്പെട്ടാണ് ഏറ്റവും കൂടുതല്‍ പരാതികള്‍ ലഭിച്ചത്.

വിമാനം വൈകുന്നത്, ബാഗേജ് നഷ്ടപ്പെടുന്നത്, ടിക്കറ്റ് റീഫണ്ടിലെ കാലതാമസം തുടങ്ങിയവയാണ് പ്രധാന പരാതികള്‍.വിമാനത്താവളങ്ങളുടെ വിഭാഗത്തില്‍ റിയാദിലെ കിംഗ് ഖാലിദ് അന്താരാഷ്ട്ര വിമാനത്താവളമാണ് ഏറ്റവും കുറവ് പരാതികളോടെ മുന്നില്‍.

യാത്രക്കാർക്ക് മികച്ച സൗകര്യങ്ങളും സേവനങ്ങളും നല്‍കുന്നതില്‍ കിംഗ് ഖാലിദ് വിമാനത്താവളം മാതൃകയാകുന്നതായും ജിഎസിഎ റിപ്പോർട്ട് ചൂണ്ടിക്കാട്ടി.സൗദി വിഷൻ 2030ന്റെ ഭാഗമായി രാജ്യത്തെ വ്യോമയാന മേഖലയില്‍ വലിയ മാറ്റങ്ങളാണ് നടക്കുന്നത്. യാത്രക്കാരുടെ അനുഭവം മെച്ചപ്പെടുത്തുന്നതിന് കമ്പനികളോട് ജിഎസിഎ നിർദ്ദേശം നല്‍കിയിട്ടുണ്ട്.

Content Highlight: Saudia Tops Saudi Arabia With Fewest Flight Complaints, Flynas Second

#Latest News#Saudia Airlines#GACA#Saudi Arabia#Flight Complaints#Saudi Aviation