കെ. ശ്രീകണ്ഠൻ എംപി അഭിപ്രായപ്പെട്ടു. തിരഞ്ഞെടുപ്പിന്റെ അവസാന മണിക്കൂറുകളില്‍ ബിജെപിയുടെ യഥാർത്ഥ മുഖം വോട്ടർമാർ തിരിച്ചറിഞ്ഞുവെന്നും, ഉത്തരേന്ത്യൻ മാതൃകയിലുള്ള ആസൂത്രിതമായ പണം കൈമാറ്റമാണ് ഇവിടെ നടന്നതെന്നും അദ്ദേഹം ആരോപിച്ചു.

യുഡിഎഫ് നേരത്തെ പ്രതീക്ഷിച്ചിരുന്ന 15,000 വോട്ടുകളുടെ ഭൂരിപക്ഷം ഈ പുതിയ സാഹചര്യത്തില്‍ മറികടക്കുമെന്നാണ് എംപിയുടെ വിലയിരുത്തല്‍. തിരഞ്ഞെടുപ്പില്‍ സിപിഎം-ബിജെപി അന്തർധാര സജീവമാണെന്നും ഈ ‘ഡീല്‍’ ഫലത്തെ സ്വാധീനിക്കുമെന്നും അദ്ദേഹം കൂട്ടിച്ചേർത്തു. ബിജെപിക്കെതിരായ കേസുകളില്‍ സർക്കാർ പുലർത്തുന്ന മെല്ലെപ്പോക്ക് ഈ ഒത്തുകളിയുടെ തെളിവാണെന്നും അദ്ദേഹം വിമർശിച്ചു.

ശബരിമല സ്വർണ്ണക്കടത്ത് വിഷയത്തില്‍ ബിജെപി കാര്യമായ പ്രതിഷേധം ഉയർത്താത്തത് സിപിഎമ്മുമായുള്ള ധാരണയുടെ ഭാഗമാണെന്ന് ശ്രീകണ്ഠൻ ആരോപിച്ചു. പരസ്പര സഹായത്തോടെയുള്ള ഈ രാഷ്ട്രീയ നീക്കങ്ങള്‍ ജനങ്ങള്‍ തിരിച്ചറിയുമെന്നും തിരഞ്ഞെടുപ്പ് ഫലത്തില്‍ ഇത് പ്രതിഫലിക്കുമെന്നും അദ്ദേഹം വ്യക്തമാക്കി.