Dailyhunt Logo
  • Light mode
    Follow system
    Dark mode
    • Play Story
    • App Story
292 സാക്ഷികളുടെ മൊഴി; ശബരിമല സ്വര്‍ണക്കൊള്ള കേസില്‍ കരട് കുറ്റപത്രം സമര്‍പ്പിച്ച്‌ അന്വേഷണ സംഘം

292 സാക്ഷികളുടെ മൊഴി; ശബരിമല സ്വര്‍ണക്കൊള്ള കേസില്‍ കരട് കുറ്റപത്രം സമര്‍പ്പിച്ച്‌ അന്വേഷണ സംഘം

കൊച്ചി: ശബരിമല സ്വര്‍ണക്കൊള്ളയിലെ കട്ടിളപ്പാളി കേസില്‍ പ്രത്യേക അന്വേഷണ സംഘം (എസ്‌ഐടി) കരട് കുറ്റപത്രം ഹൈക്കോടതിയില്‍ സമര്‍പ്പിച്ചു.

292 സാക്ഷികളുടെ മൊഴികള്‍ ഉള്‍പ്പെടുത്തിയാണ് കരട് കുറ്റപത്രം തയ്യാറാക്കിയിരിക്കുന്നത്. അന്തിമ കുറ്റപത്രം സമര്‍പ്പിക്കുന്നതിന് നാഷണല്‍ മെറ്റലര്‍ജിക്കല്‍ ലബോറട്ടറിയില്‍ നിന്നുള്ള ഫോറന്‍സിക് പരിശോധനാഫലം കൂടി ലഭിക്കാനുണ്ടെന്ന് അന്വേഷണ സംഘം ഹൈക്കോടതിയെ അറിയിച്ചു. തിങ്കളാഴ്ച പരിശോധനാഫലം ലഭിക്കുമെന്നാണ് പ്രതീക്ഷിക്കുന്നത്.

https://whatsapp.com/channel/0029Va4LMqWE50UdrVhraq0y

ഫലം ലഭിച്ച ശേഷം ഒക്ടോബര്‍ 25നകം അന്തിമ കുറ്റപത്രം സമര്‍പ്പിക്കാനാകുമെന്നും അന്വേഷണ സംഘം കോടതിയെ അറിയിച്ചു. ഇതിനായി ആവശ്യപ്പെട്ട സാവകാശം ഹൈക്കോടതി അനുവദിച്ചു. കേസില്‍ അഴിമതി തടയല്‍ നിയമത്തിലെ വകുപ്പുകള്‍ ചുമത്തിയിട്ടുള്ളതിനാല്‍ പ്രോസിക്യൂഷന്‍ അനുമതി ആവശ്യമാണ്. ഇക്കാര്യം അന്വേഷണ സംഘം ഹൈക്കോടതിയെ അറിയിച്ചു. ശബരിമല ദ്വാരപാലക സ്വര്‍ണക്കൊള്ളയുമായി ബന്ധപ്പെട്ട കേസില്‍ അന്വേഷണം പുരോഗമിക്കുകയാണെന്നും അടുത്ത മാസം 25നകം അന്തിമ കുറ്റപത്രം സമര്‍പ്പിക്കാനാകുമെന്നുമാണ് അന്വേഷണ ഉദ്യോഗസ്ഥന്‍ അറിയിച്ചത്.

Dailyhunt
Disclaimer: This content has not been generated, created or edited by Dailyhunt. Publisher: Janam TV