'ബാംഗ്ലൂർ ഡെയ്സ്' എന്ന സിനിമ കാണാത്ത മലയാളികള് ചുരുക്കമായിരിക്കും. ആ സിനിമയിലെ പോലെ ആഘോഷവും ഊർജ്ജസ്വലവുമായ ഒരു ഹണിമൂണ് ആണ് നിങ്ങള് ആഗ്രഹിക്കുന്നതെങ്കില്, ബാംഗ്ലൂർ ഒരു മികച്ച ചോയിസ് തന്നെയാണ്.
പച്ചപ്പും നഗരസംസ്കാരവും ഒത്തുചേരുന്ന ബാംഗ്ലൂരില് ഹണിമൂണ് യാത്രകള്ക്കായി തിരഞ്ഞെടുക്കാവുന്ന ചില പ്രധാന സ്ഥലങ്ങളും കാര്യങ്ങളും
1. പ്രണയിനികള്ക്കായുള്ള പാർക്കുകള് : നഗരഹൃദയത്തിലെ ഈ പച്ചപ്പ് പ്രണയിനികള്ക്ക് നടക്കാൻ പറ്റിയ ഇടമാണ് കബ്ബണ് പാർക്ക് പ്രഭാത നടത്തത്തിനും ഫോട്ടോഷൂട്ടിനും ഇവിടം അനുയോജ്യമാണ്. ലാല്ബാഗ് ബൊട്ടാണിക്കല് ഗാർഡന്റെ ഗ്ലാസ് ഹൗസും വൈവിധ്യമാർന്ന ചെടികളും മനോഹരമായ പശ്ചാത്തലം ഒരുക്കുന്നു.
2. ഷോപ്പിംഗും നടത്തവും : രാത്രികാലത്തെ ബാംഗ്ലൂരിന്റെ ലൈറ്റുകളും ആവേശവും അറിയാൻ ബ്രിഗേഡ് റോഡ് & എം.ജി റോഡ് പോകാം. 'ബാംഗ്ലൂർ ഡെയ്സ്' സിനിമയിലെ പോലെ ഒരു നഗര കാഴ്ച ഇവിടെ ലഭിക്കും. മികച്ച കഫേകളും റെസ്റ്റോറന്റുകളും ഉള്ള ഇടങ്ങളാണ് കൊരമംഗലയും ഇന്ദിരാനഗറും മെഴുകുതിരി വെളിച്ചത്തിലുള്ള ഡിന്നറിന് പറ്റിയ നിരവധി സ്ഥലങ്ങള് ഇവിടെയുണ്ട്.
3. സാഹസികത ഇഷ്ടപ്പെടുന്നവർക്ക് : പുലർച്ചെയുള്ള സൂര്യോദയം കാണാൻ നന്ദി ഹില്സിലേക്ക് ഒരു ഡ്രൈവ് പോകാം. കോടമഞ്ഞും തണുപ്പും ഹണിമൂണ് യാത്രയ്ക്ക് മാറ്റുകൂട്ടു. അല്പം സാഹസികതയും തമാശയുമാണ് ആഗ്രഹിക്കുന്നതെങ്കില് ഒരു ദിവസം വണ്ടർലയില് ചെലവഴിക്കാം.
4. നഗരത്തിന് പുറത്തുള്ള ശാന്തത : വന്യജീവികളെ ഇഷ്ടമാണെങ്കില് ബന്നാർഘട്ട ബയോളജിക്കല് പാർക്കില് ഒരു സഫാരി ആകാം. തിരക്കില്ലാത്ത സമയത്ത് നൈസ് റോഡിലൂടെയുള്ള ഒരു ലോങ്ങ് ഡ്രൈവ് സിനിമയിലെ സീനുകള് പോലെ മനോഹരമായിരിക്കും. ലീല പാലസ്, താജ് വെസ്റ്റ് എൻഡ് തുടങ്ങിയ ഹെറിറ്റേജ് ഹോട്ടലുകള് ഹണിമൂണ് യാത്രകള്ക്ക് കൂടുതല് ആഡംബരവും പ്രണയാതുരമായ അന്തരീക്ഷവും നല്കും. ട്രാഫിക് ഒഴിവാക്കാൻ മെട്രോ ട്രെയിനുകളെ ആശ്രയിക്കുന്നത് സമയം ലാഭിക്കാൻ സഹായിക്കും. ബാംഗ്ലൂർ ഡെയ്സിലെ 'അർജുനും' 'ദിവ്യയും' ഒക്കെ നടന്ന വഴികളിലൂടെയുള്ള ഒരു യാത്ര നിങ്ങളുടെ ഹണിമൂണ് കാലത്തെ മനോഹരമായ ഒരു ഓർമ്മയാക്കി മാറ്റും. ആശംസകള്!