മുഖ്യമന്ത്രി വി.ഡി. സതീശനും വിദ്യാഭ്യാസ മന്ത്രി അഡ്വ. എന്‍. ഷംസുദ്ദീനും ചേര്‍ന്നാണ് ഉദ്ഘാടനം നിര്‍വഹിച്ചത്. ഇന്ത്യന്‍ ഒളിമ്പിക് അസോസിയേഷന്‍ പ്രസിഡന്റ് പി.ടി. ഉഷയുടെ കൈയില്‍നിന്നാണ് ഇരുവരും ദീപം ഏറ്റുവാങ്ങിയത്.

വിദ്യാഭ്യാസ മന്ത്രി എന്‍. ഷംസുദ്ദീന്‍ ചടങ്ങില്‍ അധ്യക്ഷത വഹിച്ചു. തിരുവനന്തപുരത്തുനിന്ന് പുറപ്പെട്ട ട്രോഫി പ്രയാണവും കാസര്‍കോട്ടുനിന്നുള്ള ദീപശിഖാ പ്രയാണവും രാവിലെ കോഴിക്കോട് ബീച്ചില്‍ സംഗമിച്ചു. തുടര്‍ന്ന് നഗരത്തിലൂടെ പ്രയാണം നടത്തിയ ശേഷമാണ് ട്രോഫിയും ദീപശിഖയും മാര്‍ച്ച്‌ പാസ്റ്റോടെ എന്‍ഐടി സ്റ്റേഡിയത്തിലെത്തിച്ചത്.

https://whatsapp.com/channel/0029Va4LMqWE50UdrVhraq0y

ഒക്ടോബര്‍ 31നാണ് കായികമേളയുടെ സമാപന സമ്മേളനം. ആഭ്യന്തരമന്ത്രി രമേശ് ചെന്നിത്തല ചടങ്ങില്‍ മുഖ്യാതിഥിയാകും. ഉദ്ഘാടന, സമാപന പരിപാടികളില്‍ മന്ത്രിമാരും പ്രതിപക്ഷ നേതാവ് പിണറായി വിജയന്‍ ഉള്‍പ്പെടെയുള്ള പ്രമുഖരും പങ്കെടുക്കുമെന്നാണ് അറിയിച്ചിരിക്കുന്നത്.