ന്യൂഡല്ഹി: എബോള വൈറസ് ബാധയുടെ പശ്ചാത്തലത്തില് 28-ന് ഡല്ഹിയില് നടക്കാനിരുന്ന നാലാമത് ഇന്ത്യ-ആഫ്രിക്ക ഉച്ചകോടി അനിശ്ചിതകാലത്തേക്ക് മാറ്റിവച്ചു.
ആഫ്രിക്കൻ രാജ്യങ്ങളുമായുള്ള ബന്ധം മെച്ചപ്പെടുത്തുക എന്ന ലക്ഷ്യത്തോടെയാണ് ഇന്ത്യ-ആഫ്രിക്ക ഫോറം രൂപീകരിച്ചത്. 2008, 2011, 2015 വർഷങ്ങളില് ഈ സംഘടനയുടെ കീഴില് ഉച്ചകോടികള് നടന്നു. ഈ ഫെഡറേഷന്റെ നാലാമത്തെ സമ്മേളനം 28 മുതല് 31 വരെ ഡല്ഹിയില് നടത്താൻ പദ്ധതിയിട്ടിരുന്നു.
വ്യാപാരം, ആരോഗ്യം, സാങ്കേതികവിദ്യ, അടിസ്ഥാന സൗകര്യങ്ങള് എന്നിവയുള്പ്പെടെയുള്ള മേഖലകളില് ഇരുപക്ഷവും തമ്മിലുള്ള നിക്ഷേപം പ്രോത്സാഹിപ്പിക്കുന്നതിനുള്ള വഴികള് ചർച്ച ചെയ്യുന്നതിനാണ് സമ്മേളനം ആസൂത്രണം ചെയ്തിരുന്നത്. എന്നാല് ഇതിനിടെ ആഫ്രിക്കൻ രാജ്യങ്ങളായ കോംഗോ, ഉഗാണ്ട എന്നിവിടങ്ങളില് എബോള വൈറസിന്റെ വ്യാപനം രൂക്ഷമാവുകയായിരുന്നു . ലോകാരോഗ്യ സംഘടന ഇതിനെ അന്താരാഷ്ട്ര ആശങ്കയുടെ പൊതുജനാരോഗ്യ അടിയന്തരാവസ്ഥയായി പ്രഖ്യാപിച്ചു.
ഈ സാഹചര്യത്തില്, ഉച്ചകോടി പരിപാടികള് നടത്തുന്നതുമായി ബന്ധപ്പെട്ട് കേന്ദ്ര സർക്കാർ ആഫ്രിക്കൻ യൂണിയൻ ചെയർപേഴ്സണുമായും ആഫ്രിക്കൻ യൂണിയൻ കമ്മീഷനുമായും കൂടിയാലോചനകള് നടത്തി.
അതിനെ തുടർന്നാണ് ഡല്ഹിയില് 28 മുതല് 31 വരെ നടക്കാനിരുന്ന നാലാമത് ഇന്ത്യ-ആഫ്രിക്ക ഫോറം ഉച്ചകോടി മാറ്റിവയ്ക്കാൻ തീരുമാനിച്ചത്. സമ്മേളനത്തിന്റെ പുതിയ തീയതികള് പിന്നീട് പ്രഖ്യാപിക്കുമെന്ന് വിദേശകാര്യ മന്ത്രാലയം അറിയിച്ചു.