സംസ്ഥാനത്ത് മഴക്കെടുതി നിലനില്കുന്ന സാഹചര്യത്തില് കേരള സർവകലാശാല ബുധനാഴ്ച നടത്താനിരുന്ന തിയറി, പ്രാക്ടിക്കല്, വൈവവോസി ഉള്പ്പെടെ എല്ലാ പരീക്ഷകളും മാറ്റിവച്ചതായി അറിയിച്ചു.
പുതുക്കിയ തീയതി പിന്നീട് അറിയിക്കുന്നതായിരിക്കും. എന്നാല് കേരള സർവകലാശാല പഠന വകുപ്പുകളിലെ പരീക്ഷകള്ക്ക് മാറ്റമില്ല.
അതേസമയം മഴ ശക്തമായതിനെത്തുടർന്ന് അഞ്ച് ജില്ലകളിലെ വിദ്യാഭ്യാസ സ്ഥാപനങ്ങള്ക്ക് നാളെ അവധി പ്രഖ്യാപിച്ചു. കാസർകോട്, വയനാട്, ഇടുക്കി, പത്തനംതിട്ട, ആലപ്പുഴ ജില്ലകളിലാണ് കലക്ടർമാർ അവധി പ്രഖ്യാപിച്ചത്. നാളെ പത്തനംതിട്ട, ആലപ്പുഴ, കോട്ടയം, ഇടുക്കി, എറണാകുളം, കോഴിക്കോട്, വയനാട്, കണ്ണൂർ, കാസർകോട് ജില്ലകളില് കേന്ദ്ര കാലാവസ്ഥാ വകുപ്പ് ഓറഞ്ച് അലർട്ട് പ്രഖ്യാപിച്ചിട്ടുണ്ട്.