കേരളത്തില് കനത്ത ചൂടിന് ആശ്വാസമായി ഇന്നുമുതല് മഴയെത്തുമെന്ന് കേന്ദ്ര കാലാവസ്ഥ വകുപ്പിന്റെ മുന്നറിയിപ്പ്.
ഇന്നു മുതല് രണ്ടു ദിവസത്തേക്ക് ഒറ്റപ്പെട്ടയിടങ്ങളില് ശക്തമായ മഴയ്ക്ക് സാധ്യതയുണ്ടെന്നാണ് മുന്നറിയിപ്പ്. ബംഗാള് ഉള്ക്കടലില് ന്യൂനമർദം രൂപപ്പെടുന്ന സാഹചര്യത്തില് സംസ്ഥാനത്താകെ നേരിയ മഴയ്ക്ക് സാധ്യതയുണ്ടെന്നും മുന്നറിയിപ്പുണ്ട്.
ആലപ്പുഴ, എറണാകുളം ജില്ലകളില് ഇന്ന് യെല്ലോ അലേർട്ട് പുറപ്പെടുവിച്ചിട്ടുണ്ട്. കള്ളക്കടല് പ്രതിഭാസത്തിന്റെ ഭാഗമായി തിരുവനന്തപുരം ജില്ലയിലെ കപ്പില് മുതല് പൊഴിയൂർ വരെയുള്ള തീരദേശ പ്രദേശങ്ങളില് ഉയർന്ന തിരമാലയ്ക്ക് സാധ്യതയുള്ളതിനാല് ജാഗ്രത പാലിക്കണമെന്ന് ദേശീയ സമുദ്ര വിശകലന കേന്ദ്രം മുന്നറിയിപ്പ് നല്കി.