കോഴിക്കോട്:ആശുപത്രിയിലേക്ക് പോകുന്നുവെന്ന് പറഞ്ഞ് വീട്ടില്നിന്ന് ഇറങ്ങിയ ഭർതൃമതിയായ യുവതിയെ നാല് ദിവസമായി കാണാനില്ലെന്ന് പരാതി.
താമരശ്ശേരി കൈതപ്പൊയില് തെക്കെപറമ്പില് റഷീദിന്റെ ഭാര്യ ജസീന (30)യെയാണ് കാണാതായത്.
കഴിഞ്ഞ ശനിയാഴ്ച രാവിലെ ആറുമണിയോടെ കൈതപ്പൊയിലിലെ വീട്ടില്നിന്ന് താലൂക്ക് ആശുപത്രിയിലേക്ക് പോകുകയാണെന്ന് പറഞ്ഞാണ് ജസീന ഇറങ്ങിയത്. എന്നാല് പിന്നീട് വീട്ടില് തിരിച്ചെത്തിയില്ലെന്ന് ബന്ധുക്കള് താമരശ്ശേരി പോലീസില് നല്കിയ പരാതിയില് പറയുന്നു.
ജസീനയുടെ മൊബൈല് ഫോണിന്റെ അവസാനമായി ലഭിച്ച ലൊക്കേഷൻ പേരാമ്പ്രയിലാണെന്നാണ് വിവരം. കാണാതാകുമ്പോള് വയലറ്റ് നിറത്തിലുള്ള ചുരിദാറാണ് ധരിച്ചിരുന്നത്. ഇടതുഭാഗത്തെ കവിളില് കാക്കപ്പുള്ളിയുണ്ട്. ജസീനയെക്കുറിച്ച് എന്തെങ്കിലും വിവരം ലഭിക്കുന്നവർ ഉടൻ താമരശ്ശേരി പോലീസ് സ്റ്റേഷനില് അറിയിക്കണമെന്ന് അധികൃതർ അഭ്യർഥിച്ചു.
താമരശ്ശേരി പോലീസ് സ്റ്റേഷൻ:0495 222 2240
സുമിൻ ജി: 94979 75716, 94064 14401