മാഡിസണ് സ്ക്വയർ: രിരോധിക്കാനും നിയന്ത്രിക്കാനും ‘മന്താനിമാർ’ ബഹളംകൂട്ടിയ, ആർഎസ്എസ് സർ സംഘചാലക് ഡോ.
മോഹൻ ഭാഗവതിന്റെ ന്യൂയോർക്ക് പ്രസംഗം നടന്നു. പ്രസംഗത്തില് പറഞ്ഞത് വ്യക്തികളുടെ കർമ്മവും ധർമ്മവും ഉത്തരവാദിത്വവും സംബന്ധിച്ചായിരുന്നു. ദിശയും രീതിയും എങ്ങനെയാകണമെന്നായിരുന്നു. മനസ്സും പ്രവൃത്തിയും ഏതു തരത്തിലായിരിക്കണമെന്നായിരുന്നു. ന്യൂയോർക്ക് സിറ്റി മേയർ സൊഹ്റാൻ മന്താനി ഉയർത്തിയ വിവാദം ആർഎസ്എസ് മേധാവി വർഗ്ഗീയ പ്രചാരണത്തിനാണ് എത്തുന്നത് അത് തടയണമെന്നായിരുന്നു. 5000 ഭാരതീയരായ പ്രവാസികളെ അഭി സംബോധന ചെയ്ത അദ്ദേഹത്തിന്റെ പ്രസംഗത്തിലെ ഏത് ആശയമാണ്, ഏത് ഉദാഹരണമാണ് സ്വീകരിക്കാൻ പറ്റാത്തത് എന്ന് ഇനി ‘മന്താനി’മാർ പറയണം. അതല്ലെങ്കില് നടത്തിയ കുപ്രചാരണത്തിന്റെ ഉത്തരവാദിത്വമേറ്റെടുത്ത് തിരുത്താനും ഖേദിക്കാനും തയാറാകണം, എന്നാണിപ്പോള് ഉയരുന്ന അഭിപ്രായങ്ങള്.
മോഹൻ ഭഗവതിന്റെ പ്രസംഗത്തിലെ പ്രധാന ഉദ്ധരണികള് ഇതാ:
– ഭാരതത്തിന് നല്കിയിരിക്കുന്ന കടമ എന്താണ്? വൈവിധ്യത്തിലെ ഈ ഏകത്വം തിരിച്ചറിയാനും അതത് കാലത്ത് ലോകത്തെ ബോധ്യപ്പെടുത്താനും ഭാരതീയർ ഇവിടെയുണ്ട്. നമ്മള് ഒന്നാണ്, വൈവിധ്യം കൊണ്ട് ആ ഏകത്വം അലങ്കരിക്കപ്പെടുന്നു.
ഇതാ നിങ്ങള്ക്കായി ഒരു ലളിതമായ പരീക്ഷണം അല്ലെങ്കില് വെല്ലുവിളി: നിങ്ങള് ഉച്ചഭക്ഷണമോ അത്താഴമോ കഴിക്കുമ്പോള്, വിശക്കുന്ന ഒരു മനുഷ്യൻ നിങ്ങളുടെ മുന്നില് നില്ക്കുകയും വിശക്കുന്ന കണ്ണുകളോടെ നിങ്ങളുടെ ഭക്ഷണ പാത്രത്തിലേക്ക് നോക്കുകയും ചെയ്യുന്നുവെന്ന് ധരിക്കുക. അയാള്ക്ക് ഭക്ഷണം നല്കാതെ, നിങ്ങള്ക്ക് ഭക്ഷണം കഴിക്കാൻ കഴിയില്ല. നിങ്ങള്ക്ക് ശ്രമിക്കാം, പക്ഷേ സാധിക്കില്ല, കാരണം നമ്മള് മനുഷ്യരാണ്.
– നിങ്ങള് ശരിയായ രീതിയില് ചിന്തിച്ചാല്, നിങ്ങള് ദൈവത്തോട് കൂടുതല് അടുക്കും. നിങ്ങള് തെറ്റായ രീതിയില് ചിന്തിച്ചാല്, നിങ്ങള് മൃഗരാജ്യത്തോട് കൂടുതല് അടുക്കും. അതിനാല് ദിശ പ്രധാനമാണ്. ശരിയായ ദിശയ്ക്ക് അനുസൃതമായി തന്റെ ജീവിതം രൂപപ്പെടുത്തുന്ന മനുഷ്യൻ ഈ ദൈവരാജ്യത്തിലെ ഉത്തരവാദിത്വമുള്ള പൗരനായി മാറുന്നു.
– മനുഷ്യർക്ക് ലോകത്തിന്റെ കാര്യത്തില് ഉത്തരവാദിത്വമുണ്ട്, കാരണം അവർക്ക് ചിന്തയിലൂടെ ശരിയും തെറ്റും മനസ്സിലാക്കാൻ കഴിവുണ്ട്, പരിശീലനം ലഭിക്കുന്നുണ്ട്, അതിനാല് അവർക്ക് ഈ ഐക്യം മനസ്സിലാക്കാൻ കഴിയും.
– നമുക്കെല്ലാവർക്കും ഭൗതിക സന്തോഷത്തിനുതകുന്ന സൗകാര്യങ്ങള് ഉണ്ട്, അത് നമ്മെ ശാശ്വതമായി തൃപ്തിപ്പെടുത്താൻ കഴിയില്ല. എനിക്ക് ന്യൂയോർക്കില് ഡൗനട്ട് (മധുരപൂരി) കഴിക്കാൻ കിട്ടും. ഞാൻ അത് കഴിക്കും. ഒരു സമയം എനിക്ക് എത്ര ഡോനട്ട്സ് കഴിക്കാം? എനിക്കറിയില്ല. പക്ഷേ എന്തായാലും, ഒരു മനുഷ്യന് ഒരേസമയം പരമാവധി 50 ഡോനട്ട്സ് കഴിക്കാം. അതിനപ്പുറം അയാള്ക്ക് വേണ്ട, അതിലേക്ക് നോക്കാൻ പോലും തോന്നില്ല. ആദ്യം കഴി്ച് അതേ ഡോനട്ട് തന്നെയാണ്. എന്താണ് മാറിയത്? പക്ഷേ പിറ്റേന്നുരാവിലെ ആണെങ്കില് 50 എണ്ണം കൂടി കഴിക്കാൻ തയ്യാറാണ്. അതാണ് ഭൗതിക സന്തോഷം. അത് ക്ഷണികമാണ്. തൃപ്തിപ്പെടുത്താൻ കഴിയില്ല. ഭൗതിക സന്തോഷത്തിന്റെ സമൃദ്ധിയുണ്ടെങ്കില്, അത് പരാജയപ്പെട്ടേക്കാം. അതിനാല്, അവർ അനുഭവത്തിലൂടെ പഠിക്കുന്ന ഒരു സംതൃപ്തിയും ഇല്ല.
– ഞാൻ ആ രാജ്യത്ത് നിന്നാണ് വരുന്നത്, നിങ്ങളില് പലർക്കും ആ രാജ്യം നിങ്ങളുടെ ജന്മഭൂമിയായി ഉണ്ട് – അവിടെ നാം വൈവിധ്യത്തില് ഈ ഏകത്വം മനസ്സിലാക്കുന്നു. ആ വൈവിധ്യത്തെ നാം ഏകത്വത്തിന്റെ അലങ്കാരമായി ആഘോഷിക്കുന്നു. ആ രാജ്യത്ത്, നമ്മള് സസ്യങ്ങളെ ആരാധിക്കുന്നു. എന്തിനാണ് നമ്മള് അവയെ ആരാധിക്കുന്നത്? ദിവസേനയല്ല; ഒരു ആരാധന നടത്തുന്ന ഒരു ദിവസമുണ്ട്, മറ്റൊരു ആരാധനയ്ക്കായി മറ്റൊരു ദിവസമുണ്ട്. ഇക്കാലത്ത്, നമ്മള് പിതൃദിനം, മാതൃദിനം മുതലായവ ആഘോഷിക്കുന്നു. എന്തുകൊണ്ട്? കാരണം നമ്മള് അവരോടുള്ള നമ്മുടെ കടമ ഓർക്കുന്നു. അതുപോലെ, അതുകൊണ്ടാണ് പരിസ്ഥിതിയോടുള്ള നമ്മുടെ കടമ നമ്മള് ഓർക്കുന്നത്.
– നമ്മുടെ കടമ എന്താണ്? നമ്മള് അമേരിക്കയിലാണ്. നമ്മള് അമേരിക്കയിലാണ് ജീവിക്കുന്നത്. നമ്മള് അമേരിക്കയില് സമ്പാദിക്കുന്നു. അതിനാല് നമ്മള് അമേരിക്കയാണ്. അതിനാല് നമ്മള് അമേരിക്കയോട് സത്യസന്ധമായി പെരുമാറണം. പ്രവാസികള്ക്ക് അവരുടെ കർമ്മ ഭൂമിയോട് ഒരു കടമയുണ്ട്. അവർ അത് നിറവേറ്റണം. അവർ അവരുടെ കർമ്മത്തോട് സത്യസന്ധരായിരിക്കണം. ഭാരതം ജന്മഭൂമിയാണ്, നിങ്ങള്ക്ക് എന്തെങ്കിലും ചെയ്യാനുള്ള പ്രേരണയുണ്ടെങ്കില് കർമ്മത്തോടുള്ള കടമ നിറവേറ്റിയ ശേഷം അത് ചെയ്യാം. അത് നിഷിദ്ധമല്ല.
– നമ്മള് എത്രമാത്രം സമ്പാദിക്കുന്നു എന്നത് പ്രധാനമല്ല. നമ്മള് എത്രമാത്രം കൊടുക്കുന്നു എന്നത് പ്രധാനമാണ്. നിങ്ങള് ജോലിയെക്കുറിച്ച് ചിന്തിക്കുന്നു. ഒരു ജോലി എന്നത് പണം ഉണ്ടാക്കാൻ മാത്രമാണോ? ഭൗതിക സന്തോഷം ലഭിക്കാൻ മാത്രമാണോ? അത് നിഷേധിക്കുന്നില്ല. വാസ്തവത്തില്, ധർമ്മവും കാമവും ഭൗതിക ജീവിതവുമായി ബന്ധപ്പെട്ട രണ്ട് പ്രധാന പുരുഷാർത്ഥങ്ങളാണ്. മോക്ഷത്തിന്റെ പിറകേ മാത്രം പോകരുത് എന്നാണ് നമ്മെ ധർമ്മശാസ്ത്രം പഠിപ്പിക്കുന്നത്. ലോകം മുന്നോട്ട് പോകണമെങ്കില് നിങ്ങള് ഭൗതിക വിജയം നേടണം എന്നാണ്.
– അമേരിക്കയിലോ മറ്റ് രാജ്യങ്ങളിലോ പ്രവാസികളായി താമസിക്കുന്നവർ, അവർ കർമ്മത്തിനായി പ്രവർത്തിക്കും. അവർ സമയം കണ്ടെത്തിയാല്, മാർഗം കണ്ടെത്തിയാല്, അവർക്ക് ഭാരതത്തെ പരിപാലിക്കാൻ കഴിയും. എന്നാല് ഭാരതം അത് പ്രതീക്ഷിക്കുന്നില്ല. ഭാരതം നിങ്ങള്ക്ക് ജീവിതത്തെക്കുറിച്ചുള്ള ആശയം നല്കിയതുപോലെ നിങ്ങള് ജീവിക്കണമെന്ന് ആഗ്രഹിക്കുന്നു.
– ഇന്ന് നമ്മുടെ ജീവിതത്തില് ഈ സങ്കല്പം ഉണ്ടായിരിക്കണം. അത് ശരിയാണ്, ഇതുവരെ സംഭവിച്ചതെന്തായാലും, ഇനി മുതലെങ്കിലും ഞാൻ എന്റെ ജീവിതത്തെക്കുറിച്ച് ചിന്തിക്കും. ഒരു സമയത്ത് ഒരു ചെറിയ കാര്യം, ഒരു സമയത്ത് ഒരു ചെറിയ ചുവട്, ഞാൻ ജീവിതത്തെ ഒരു സുസ്ഥിര ജീവിതമാക്കി മാറ്റും. പഞ്ചപരിവർത്തൻ എന്നൊരു പദ്ധതി ഉണ്ടെന്ന് നമുക്ക് അറിയാം. നാം അത് സമൂഹത്തിലേക്ക് കൊണ്ടുപോകുന്നു. ആദ്യം നമ്മള് ആ കാര്യങ്ങള് നമ്മുടെ ജീവിതത്തില് പകർത്തണം, എന്നിട്ട് അവയെ സമൂഹത്തിലേക്ക് കൊണ്ടുപോകണം.
– അവ എന്തൊക്കെയാണ്? മനുഷ്യർ സ്വന്തം ജീവിതം തൃപ്തികരമായി ജീവിക്കാൻ സഹായിക്കുന്ന ഒരു ജീവിതരീതി സൃഷ്ടിക്കുന്ന കാര്യങ്ങളാണവ. 