കോഴിക്കോട്: ജമാഅത്തെ ഇസ്ലാമിയുടെ വിദ്യാര്ത്ഥി സംഘടനയായ സ്റ്റുഡന്റ്സ് ഇസ്ലാമിക് ഓര്ഗനൈസേഷന്റെ (എസ്ഐഒ) പോസ്റ്ററില് ആഗോള ഇസ്ലാമിക ഭീകരരുടെ ചിത്രങ്ങള്.
എസ്ഐഒയുടെ പഠന ക്യാമ്പുമായി ബന്ധപ്പെട്ട പോസ്റ്ററുകളിലാണ് ഇസ്ലാമിക ഭീകരപ്രസ്ഥാനത്തിന്റെ ആഗോള നേതാക്കളായ മൗദൂദി, ഷെയ്ഖ് അഹമ്മദ് യാസീന്, ഹസനുന് ബെന്ന എന്നിവരുടെ ചിത്രങ്ങള് ചേര്ത്തിട്ടുള്ളത്. ജമാഅത്തെ ഇസ്ലാമിയുടെ സ്ഥാപകനും പൊളിറ്റിക്കല് ഇസ്ലാം എന്ന ആശയത്തിന്റെ ഉപജ്ഞാതാവുമാണ് മൗദൂദി. ഷെയ്ഖ് അഹമ്മദ് യാസീന് ഗാസയിലെ മതതീവ്രവാദ സംഘടനയായ ഹമാസിന്റെ സ്ഥാപകനും ഹസനുല് ബെന്ന ഇസ്ലാമിക് ബ്രദര്ഹുഡ് എന്ന ആഗോള ഭീകരസംഘടനയുടെ സ്ഥാപകനുമാണ്.
ഈ മതഭീകരരുടെ ആശയങ്ങള് മുറുകെപ്പിടിച്ചു പ്രവര്ത്തിക്കുന്ന സംഘടനയാണ് ജമാഅത്തെ ഇസ്ലാമി എന്ന് വീണ്ടും തുറന്നുപറയുകയാണ് ഈ പോസ്റ്ററുകളിലൂടെ. ഇവരുടെ ആശയങ്ങള് കൂടുതലായി കേരള സമൂഹത്തില് പ്രചരിപ്പിക്കുകയും ഇസ്ലാമിക ഭീകരവാദത്തിന് കൂടുതല് വേരുകള് ഉണ്ടാക്കുകയും ചെയ്യുക എന്ന ലക്ഷ്യത്തോടെയാണ് എസ്ഐഒ പഠനക്യാമ്പ് സംഘടിപ്പിക്കുന്നതെന്നാണ് സൂചന.
കേരളത്തിലെ കാമ്പസുകളില് മതഭീകരവാദത്തിന്റെ വിഷം വമിപ്പിക്കുക എന്ന ലക്ഷ്യത്തോടെയാണ് എസ്ഐഒ പ്രവര്ത്തിക്കുന്നത്. കഴിഞ്ഞ വര്ഷം ജമാഅത്തെ ഇസ്ലാമിയുടെ യുവജന സംഘടനയായ സോളിഡാരിറ്റിയുടെ നേതൃത്വത്തില് കരിപ്പൂര് വിമാനത്താവളത്തിന് സമീപം നടത്തിയ ഉപരോധ സമരത്തില് മേല്പറഞ്ഞ മതഭീകരരുടെ ചിത്രങ്ങള് പ്ലക്കാര്ഡുകളായി ഉയര്ത്തിയിരുന്നു.
സംസ്ഥാനത്ത് അധികാരമേറ്റ യുഡിഎഫ് സര്ക്കാരിന് ജമാഅത്തെ ഇസ്ലാമിയുമായുള്ള കൂട്ടുകെട്ടിന്റെ പശ്ചാത്തലത്തില് കേരളത്തില് തങ്ങളുടെ പ്രവര്ത്തനത്തിന് അനുകൂല സാഹചര്യമായി കണ്ടുകൊണ്ടാണ് ജമാഅത്തെ ഇസ്ലാമിയും പോഷക സംഘടനകളും മുന്നോട്ടു പോകുന്നത്.