ബാറുകളില് ഇരുന്ന് മദ്യപിക്കാം
സംസ്ഥാനത്ത് കൊവിഡ് നിയന്ത്രണങ്ങളില് കൂടുതല് ഇളവുകള്. ബാറുകളില് ഇനി മുതല് ഇരുന്ന് മദ്യപിക്കാന് സര്ക്കാര് അനുമതി നല്കി.
ഹോട്ടലിലും ഇനി മുതല് ഇരുന്ന് ഭക്ഷണം കഴിക്കാം. എന്നാല്, ഹോട്ടലുകളിലും ബാറുകളിലും എ സി അനുവദിക്കില്ലെന്നും മുഖ്യമന്ത്രി പിണറായി വിജയന് വാര്ത്താ സമ്മേളനത്തില് പറഞ്ഞു.
രണ്ടു ഡോസ് വാക്സിനേഷന് സ്വീകരിച്ച ആളുകള്ക്കായി ഹോട്ടലുകളിലും റെസ്റ്റോറന്റുകളിലും, ബാറുകളിലും, ഇന്ഹൗസ് ഡെനിംഗ് അനുവദിക്കാം എന്നാണ് കാണുന്നത്. രണ്ടു ഡോസ് വാക്സിനേഷന് സ്വീകരിച്ച തൊഴിലാളികളെ ഉള്പ്പെടുത്തിയായിരിക്കണം. ഈ സ്ഥാപനങ്ങള് പ്രവര്ത്തിക്കേണ്ടത്.
കഴിക്കാന് എത്തുന്നവര്ക്കുള്ള വാക്സിനേഷന് നിബന്ധന 18 വയസ്സിന് താഴെയുള്ളവര്ക്ക് ബാധകമല്ല. സീറ്റിംഗ് കപ്പാസിറ്റിയുടെ 50 ശതമാനം മാത്രമേ അനുവദിക്കൂ. എ.സി സംവിധാനങ്ങള് ഉപയോഗിക്കാതെ ജനലുകളും വാതിലുകളും പരമാവധി തുറന്നിടാനുള്ള സൗകര്യം ഏര്പ്പെടുത്തേണ്ടതാണ്. മുഖ്യമന്ത്രി വ്യക്തമാക്കി.
ഇന്ഡോര് സ്റ്റേഡിയങ്ങള്, നീന്തല് കുളങ്ങള് എന്നിവയുടെ പ്രവര്ത്തനവും രണ്ടു ഡോസ് വാക്സിനേഷന് സ്വീകരിച്ച തൊഴിലാളികളെ ഉള്പ്പെടുത്തി, രണ്ടു ഡോസ് വാക്സിനേഷന് സ്വീകരിച്ച ആളുകള്ക്കായി അനുവദിക്കാവുന്നതാണ്. വാക്സിനേഷന് നിബന്ധന 18 വയസ്സിന് താഴെയുള്ളവര്ക്ക് ബാധകമല്ല. കൊവിഡ് പ്രോട്ടോകോള് പാലിച്ചു കൊണ്ടായിരിക്കണം പ്രവര്ത്തനമെന്നും മുഖ്യമന്ത്രി വ്യക്തമാക്കി.
കൈരളി ഓണ്ലൈന് വാര്ത്തകള് വാട്സ്ആപ്ഗ്രൂപ്പിലും ലഭ്യമാണ്. വാട്സ്ആപ് ഗ്രൂപ്പില് അംഗമാകാന് ഈ ലിങ്കില് ക്ലിക്ക് ചെയ്യുക.