എന്നാല്‍ ചിലതിനൊക്കെ വിമർശനവും ട്രോളുകളും കിട്ടാറുമുണ്ട്. ഇപ്പോഴിതാ അത്തരത്തില്‍ ട്രോളുകള്‍ വാരിക്കൂട്ടുകയാണ് നടൻ അക്ഷയ് കുമാർ. 'ഭൂത് ബംഗ്ലാ' ട്രെയിലർ ലോഞ്ചില്‍ ആണ് താരം അല്പം വ്യത്യസ്തത നിറഞ്ഞ വസ്ത്രവുമായി എത്തിയത്. ഒറ്റനോട്ടത്തില്‍ കണ്ടാല്‍ എലി കരണ്ടതെന്ന് തോന്നുന്ന, കീറിപ്പറിഞ്ഞ ഒരു ഷർട്ട് ആണ് താരം ധരിച്ചിരുന്നത്. ചടങ്ങിന്റെ വീഡിയോ പുറത്തുവന്നതോടെ വൻ വിമർശനമാണ് താരം ഏറ്റുവാങ്ങിയത്.

മലയാളികളുള്‍പ്പെടെ നിരവധി പേർ പ്രതികരണവുമായെത്തി. എന്നാലും പാവത്തിനു ഈ ഗതി വന്നല്ലോ, എലിയാണോ ഔട്ട്ഫിറ്റ് ഡിസൈൻ ചെയ്തത്, എല്ലായിടത്തുമുണ്ടല്ലേ തെരുവ് നായ ശല്യം, വരുന്ന വഴിക്ക് പട്ടി കടിച്ചോ എന്നിങ്ങനെ തുടങ്ങുന്നു കമന്റുകള്‍. എന്തായാലും സെലിബ്രിറ്റികളെ പിന്തുടരുന്നവർ അക്ഷയ് കുമാറിന്റെ ഈ വസ്ത്രവും ട്രെൻഡിങ്ങില്‍ കൊണ്ട് വരുമോ എന്ന് കണ്ടറിയാം.

ഒരുപാട് കഷ്ടപ്പെട്ടിട്ടും കഥാപാത്രത്തില്‍ നിന്ന് പുറത്താക്കി; കാരണം തുറന്നു പറഞ്ഞ് ഐമ റോസി

14 വർഷങ്ങള്‍ക്കുശേഷം അക്ഷയ് കുമാർ-പ്രിയദർശൻ ടീം ഒന്നിക്കുന്ന ചിത്രമാണ് ഭൂത് ബംഗ്ലാ. ഹൊറർ – കോമഡി ഗണത്തില്‍ ആണ് ചിത്രം ഉള്‍പ്പെടുന്നത്. വാമിഖ ഗബ്ബിയാണ് ചിത്രത്തിലെ നായിക. ഇത് ഏഴാം തവണയാണ് അക്ഷയ്കുമാറും പ്രിയദർശനും ഒന്നിച്ചെത്തുന്നത്.