കാസര്‍കോട് മടക്കരയില്‍ നിന്നും മത്സ്യ ബന്ധനത്തിന് പോയി ബോട്ട് തകര്‍ന്നതിനെ തുടര്‍ന്ന് കാലില്‍ കുടുക്കിയ 5 പേരെ തീരദേശ സംരക്ഷണ സേനയും ഫിഷറീസ് വകുപ്പും ചേര്‍ന്ന് രക്ഷപ്പെടുത്തി.

ബുധനാഴ്ച രാത്രി 7 മണിയോടെയാണ് ഇവര്‍ സഞ്ചരിച്ചിരുന്ന ബോട്ട് തകര്‍ന്ന് ഇവര്‍ കടലില്‍ കുടുങ്ങിയത്. തകര്‍ന്ന ബോട്ടില്‍ പിടിച്ച്‌ കിടന്ന ഇവരെ കാസര്‍കോട്ട് നിന്ന് തീരദേശ ദേശ സംരക്ഷണ സേനയുടെ ബോട്ട് എത്തിയാണ് രക്ഷപ്പെടുത്തിയത്. കരയില്‍ നിന്നും 6 നോട്ടിക്ക് മൈല്‍ അകലെയായിരുന്നു അപകടം.

ഇവരുമായി തിരിച്ചുവരുന്നതിനിടയില്‍ ബോട്ട് യന്ത്രത്തകരാര്‍ നേരിട്ടു വെങ്കിലും പരിഹരിച്ച്‌ അര്‍ധരാത്രിയോടെ കാസര്‍കോട്ടെത്തി.

പൂന്തുറ സ്വദേശികളായ മത്സ്യത്തൊഴിലാളികള്‍ക്ക് പരിക്കില്ല.