മോഹന്ലാലിനെ നായകനാക്കി ബി ഉണ്ണികൃഷ്ണന് സംവിധാനം ചെയ്ത 'നെയ്യാറ്റിന്കര ഗോപന്റെ ആറാട്ട്' ഫെബ്രുവരിയില് കാണാം.
തിയറ്ററുകളില് പ്രേക്ഷകര്ക്ക് ആവേശത്തോടെ കാണാന് കഴിയുന്ന എന്റര്ടെയ്നര് ചിത്രമായിരിക്കും ആറാട്ടെന്ന് സംവിധായകന് ബി. ഉണ്ണികൃഷ്ണനും ഉറപ്പുതരുന്നു. കഴിഞ്ഞ വര്ഷം ആദ്യം റിലീസ് ചെയ്ത ബിഗ് ബ്രദറിനു ശേഷം തിയറ്ററുകളില് റിലീസ് ചെയ്യുന്ന മോഹന്ലാല് ചിത്രം കൂടിയാണിത്.
നെയ്യാറ്റിന്കര ഗോപന് എന്ന കഥാപാത്രമായാണ് 'ആറാട്ടി'ല് മോഹന്ലാല് എത്തുന്നത്. കോമഡിക്കു പ്രാധാന്യം നല്കി ഒരുക്കുന്ന സിനിമയില് മികച്ച ആക്ഷന് രംഗങ്ങളുമുണ്ട്. ഉണ്ണിക്കൃഷ്ണന് സംവിധാനം ചെയ്യുന്ന ചിത്രത്തിന്റെ രചന നിര്വഹിച്ചിരിക്കുന്നത് ഉദയകൃഷ്ണയാണ്. ചിത്രത്തില് മോഹന്ലാല് ഉപയോഗിക്കുന്ന കറുത്ത ബെന്സ് കാറും ശ്രദ്ധ നേടിയിട്ടുണ്ട്. ''മൈ ഫോണ് നമ്ബര് ഈസ് 2255'' എന്ന 'രാജാവിന്റെ മകനി'ലെ ഡയലോഗ് ഓര്മിപ്പിക്കും വിധം കാറിനും 2255 എന്ന നമ്ബറാണു നല്കിയിരിക്കുന്നത്.
ശ്രദ്ധ ശ്രീനാഥാണ് ചിത്രത്തിലെ നായിക. നെടുമുടി വേണു, സായ്കുമാര്, സിദ്ദിഖ്, വിജയരാഘവന്, ജോണി ആന്റണി, ഇന്ദ്രന്സ്, രാഘവന്, നന്ദു, ബിജു പപ്പന്, ഷീല, സ്വാസിക, മാളവിക, രചന നാരായണന്കുട്ടി തുടങ്ങിയവരാണ് മറ്റു താരങ്ങള്.
കൈരളി ഓണ്ലൈന് വാര്ത്തകള് വാട്സ്ആപ്ഗ്രൂപ്പിലും ലഭ്യമാണ്. വാട്സ്ആപ് ഗ്രൂപ്പില് അംഗമാകാന് ഈ ലിങ്കില് ക്ലിക്ക് ചെയ്യുക.