ന്യൂയോര്ക്ക്: ഒരുമാസമായി ചരക്കു ഗതാഗതം നിശ്ചലാവസ്ഥയിലേക്ക് കടന്നതോടെ ആഗോള ചരക്കു ഗതാഗതം അതിരൂക്ഷമായതിനു പിന്നാലെ ഹോര്മുസ് കടലിടുക്ക് തുറക്കണമെന്ന ആവശ്യം ശക്തമാക്കി ബഹ്റൈന്.
ഐക്യരാഷ്ട്രസഭയിലാണ് ബഹ്റൈന്റെ പ്രമേയം അവതരിപ്പിച്ചത്.
സുരക്ഷിതമായി കടലിടുക്ക് കടക്കാന് രാജ്യങ്ങള്ക്ക് അവകാശമുണ്ടെന്നും സുരക്ഷാമുന്കരുതല് സ്വീകരിക്കാന് രാജ്യങ്ങള്ക്ക് അവകാശമുണ്ട്. ഇതിന് അന്താരാഷ്ട്ര നിയമ പിന്തുണ വേണമെന്നും ബഹ്റൈന് പ്രമേയത്തില് ആവശ്യപ്പെടുന്നു. ജിസിസി രാജ്യങ്ങളുടെ പിന്തുണയോടെയാണ് ബഹ്റൈന്റെ നീക്കം.
എന്നാല് വീറ്റോ അധികാരമുള്ള ചൈന ബലപ്രയോഗത്തിലൂടെ കടലിടുക്ക് തുറക്കണമെന്ന ആവശ്യത്തെ എതിര്ക്കുന്നുണ്ട്. അതേസമയം അമേരിക്കയുടേയും മറ്റ് ഗള്ഫ് രാജ്യങ്ങളുടേയും പിന്തുണ ബഹ്റൈന് പ്രതീക്ഷിക്കുന്നു. റഷ്യയും ബലപ്രയോഗത്തെ എതിര്ക്കുന്നു. വാണിജ്യ കപ്പല് ഗതാഗതം സംരക്ഷിക്കുന്നതിന് യുഎന്നില് നിന്ന് ഏകീകൃത നിലപാട് പ്രതീക്ഷിക്കുന്നുവെന്ന് ബഹ്റൈന് വിദേശകാര്യമന്ത്രി അബ്ദുല്ലത്തീഫ് ബിന് റാഷിദ് അല് സയാനി പറഞ്ഞു.