തിരുവനന്തപുരം: മാജിക് പ്ലാനറ്റിന് കീഴിലുള്ള ഡിഫറന്റ് ആര്‍ട് സെന്ററിലെ ഭിന്നശേഷിക്കുട്ടികള്‍ക്കുള്ള ഓണ്‍ലൈന്‍ മോട്ടിവേഷണല്‍ പരിപാടി മൈന്‍ഡിന് ഇന്നലെ തുടക്കം കുറിച്ചു. കാഴ്ചയുടെ പരിമിതിയെ മറികടന്ന് ആദ്യശ്രമത്തില്‍ തന്നെ ഐ.എ.എസ് പരീക്ഷയില്‍ 804-ാം റാങ്ക് നേടിയ ഗോകുല്‍ ആണ് 'മൈന്‍ഡ് -മാജിക്കല്‍ ഇന്‍സ്പിരേഷന്‍ നീഡഡ് ഫോര്‍ ഡിഫറന്റ്ലി ഏബിള്‍ഡ്' പരിപാടി ഉദ്ഘാടനം ചെയ്തത്.
മൈന്‍ഡിലെ ആദ്യ ക്ലാസിന് ഗോകുല്‍ നേതൃത്വം നല്‍കി. ഭിന്നശേഷിക്കുട്ടികളെ മറ്റുള്ളവരെപ്പോലെ തന്നെ സമൂഹത്തിന്റെ മുഖ്യധാരയിലേയ്ക്ക് കൊണ്ടുവരുന്നതിനുള്ള പ്രവര്‍ത്തനങ്ങള്‍ക്കാവണം സമൂഹം മുന്‍തൂക്കം നല്‍കേണ്ടതെന്ന് പരിപാടി ഉദ്ഘാടനം ചെയ്തുകൊണ്ട് ഗോകുല്‍ പറഞ്ഞു.