കണ്ണൂര് : കേളകത്ത് രണ്ടാനച്ഛന്റെ ആക്രമണത്തെ തുടര്ന്ന് കണ്ണൂര് സര്ക്കാര് മെഡിക്കല് കോളേജില് ചികിത്സയിലുള്ള ഒരു വയസുകാരിയുടെ ചികിത്സയും അനുബന്ധ ചെലവും സര്ക്കാര് ഏറ്റെടുക്കുമെന്ന് ആരോഗ്യമന്ത്രി വീണാജോര്ജ്ജ്.
ആവശ്യമെങ്കില് കുട്ടിയുടെ സംരക്ഷണവും ഏറ്റെടുക്കുന്നതാണ്. കുട്ടിക്ക് മതിയായ വിദഗ്ധ ചികിത്സ ഉറപ്പാക്കാന് മെഡിക്കല് കോളേജ് ആശുപത്രി സൂപ്രണ്ടിനോട് ആവശ്യപ്പെട്ടിട്ടുണ്ടെന്നും മന്ത്രി പറഞ്ഞു.
എമര്ജന്സി മെഡിസിന്, ഓര്ത്തോപീഡിക്സ്, സര്ജറി, പീഡിയാട്രികിസ് തുടങ്ങിയ വിഭാഗങ്ങളിലെ വിദഗ്ധ ഡോക്ടര്മാരുടെ സംഘമാണ് കുട്ടിയെ ചികിത്സിക്കുന്നത്.
കുട്ടിയുടെ തോളെല്ലിന് പൊട്ടലുണ്ട്.
ആരോഗ്യ നില തൃപ്തികരമാണെന്ന് സൂപ്രണ്ട് അറിയിച്ചതായും കുട്ടിക്കാവശ്യമായ മുഴുവന് കാര്യങ്ങളും യഥാസമയം ചെയ്യുന്നതിനായും വിവരങ്ങള് അപ്പപ്പോള് അറിയിക്കുന്നതിനും വേണ്ട സജ്ജീകരണങ്ങളൊരുക്കിയതായും മന്ത്രി പറഞ്ഞു.