ലക്നൗ: മഴയും കാർമേഘവും ഇല്ലാത്ത നേപ്പാളിലേക്ക് ദുരിന്തം വിതച്ചായിരുന്നു പ്രളയമെത്തിയത്. മിന്നല്പ്രളയത്തില് മരണപ്പെട്ടവരുടെയും കാണാതായവരുടെയും എണ്ണം കൂടി വരുകയാണ്.
ഉത്തര്പ്രദേശിലെ 2 ജില്ലകളില് കനത്ത ജാഗ്രതാ നിര്ദ്ദേശം നല്കിയിട്ടുണ്ട്. മഹാരാജ്ഗഞ്ച്, കുശിനഗര് ജില്ലകളിലാണ് ജാഗ്രതാ നിര്ദേശം.
കനത്ത ഹിമാലയത്തില് നിന്ന് ഉത്ഭവിക്കുന്ന നദികളിലെ ജലനിരപ്പ് ഉയരുന്നത് നിരീക്ഷിച്ചുവരികയാണ്. ഗന്ധക്, ദര്ജനിയ, ടെയില് ഫാള് തുടങ്ങിയ നദികളുടെ ഒഴുക്ക് നിരീക്ഷിക്കാന് ഉദ്യോഗസ്ഥരെ നിയോഗിച്ചു. നേപ്പാളില് നിന്ന് ഒഴുക്കിവന്നതെന്ന് കരുതുന്ന മൂന്ന് മൃതദേഹങ്ങള് മഹാരാജ്ഗഞ്ച് ജില്ലയിലെ ഗന്ധക് നദിയില് നിന്ന് ഇന്നലെ കണ്ടെടുത്തിരുന്നു.
രക്ഷാപ്രവര്ത്തനങ്ങളും ദുരിതാശ്വാസ പ്രവര്ത്തനങ്ങളും ഏകോപിപ്പിക്കുന്നതിനായി ഉത്തര്പ്രദേശ് സര്ക്കാര് 32 അംഗ എസ്.ഡി.ആര്.എഫ് പ്ലാറ്റൂണിനെയും 22 പി.എ.സി ഉദ്യോഗസ്ഥരെയും നേപ്പാളിലേക്ക് അയച്ചിട്ടുണ്ട്. ജലാശയങ്ങളിലെ ജലനിരപ്പ് തുടര്ച്ചയായി നിരീക്ഷിച്ചു വരികയാണെന്നും താഴ്ന്ന പ്രദേശങ്ങളിലുള്ളവര് ജാഗ്രത പാലിക്കണമെന്നും അധികൃതര് അറിയിച്ചു.