നറുക്കെടുപ്പ് പരിപാടിയില്‍ ഐഫോണ്‍ വിജയിച്ച യുവാവിനോട് കയ്യിലെ ഫോണ്‍ കാണിക്കാന്‍ മീര ആവശ്യപ്പെടുകയായിരുന്നു. ഉടനെ ഇടപെട്ട ആസിഫ് അലി അവതാരകയെ തടഞ്ഞു. പിന്നാലെ സോഷ്യല്‍ മീഡിയ ആസിഫ് അലിയെ അഭിനന്ദിക്കുകയായിരുന്നു. ഈ സംഭവത്തില്‍ പ്രതികരണവുമായി എത്തിയിരിക്കുകയാണ് അവതാരക മീര അനില്‍.

താന്‍ ആരേയും പരിഹസിക്കാന്‍ വേണ്ടി ചെയ്തതല്ലെന്നാണ് മീര പറയുന്നത്. ആസിഫ് അലി ഒരു ചക്കരയാണെന്നും മീര പറയുന്നുണ്ട്.
പരിഹസിക്കാന്‍ വേണ്ടി ചെയ്തതല്ല. ആ മാറ്റം കാണിക്കാന്‍ വേണ്ടിയായിരുന്നു. പെട്ടെന്ന് ഐഫോണിലേക്ക് വരുമ്പോള്‍, ഒരു പൂ പോലും പ്രതീക്ഷിക്കാതെ വരുമ്പോള്‍ ഒരു പൂക്കാലം തന്നെ കിട്ടുന്ന എന്ന മൊമന്റായിരുന്നു ഞങ്ങള്‍ ആഗ്രഹിച്ചത്. പക്ഷെ പലരും വേറൊരു തരത്തിലേക്ക് എടുത്തു. പക്ഷെ, എല്ലായിപ്പോഴും ആസിഫ് ഒരു ചക്കരയാണ്.' മീര പറയുന്നു.

എല്ലാവര്‍ക്കും അവരവരുടെ യുക്തിയ്ക്ക് അനുസരിച്ച്‌ പെരുമാറാനുള്ള സ്‌പേസ് എപ്പോഴും കൊടുക്കാറുണ്ട്. ഞാന്‍ ചെയ്യുന്നതില്‍ ഇഷ്ടപ്പെടാത്തതായി എന്തെങ്കിലും ഉണ്ടെങ്കില്‍ അത് പറയാനുള്ള അവകാശം ഓരോരുത്തര്‍ക്കും ഉണ്ട്. പതിനെട്ട് വര്‍ഷമായി ഈ മേഖലയില്‍ ജോലി ചെയ്യാന്‍ തുടങ്ങിയത്. ഇത്രയും കാലം ഇവിടെ നിര്‍ത്തിയത് പ്രേക്ഷകരാണ്. അവര്‍ക്ക് വേണ്ടിയാണ് സ്റ്റേജിലെത്തുന്നത്' എന്നും മീര അനില്‍ പറയുന്നു.