ന്യൂഡല്ഹി: രാജ്യത്ത് പെട്രോള്, ഡീസല്, പാചകവാതകം എന്നിവയുടെ വില വർധിക്കാൻ സാധ്യതയെന്ന് റിപ്പോർട്ട്. റിപ്പോർട്ട് പ്രകാരം ഇന്ധന വില ലിറ്ററിന് നാലു രൂപ മുതല് അഞ്ചു രൂപ വരെ വർധിച്ചേക്കും.
ഗാർഹിക എല്പിജി വിലയിലും വർധനവുണ്ടായേക്കും. സിലിണ്ടറിന് 40 മുതല് 50 രൂപ വരെയാകും വർധനയുണ്ടാവുകയെന്നാണ് റിപ്പോർട്ടുകള്
പശ്ചിമേഷ്യയിലെ യുദ്ധം കാരണം ആഗോള വിപണിയില് ക്രൂഡ് ഓയില് വില കുത്തനെ ഉയർന്നതാണ് ഈ വിലവർധനവിന് കാരണമായി ചൂണ്ടിക്കാണിക്കപ്പെടുന്നത്. വില വർധിപ്പിക്കുകയാണെങ്കില് ഏകദേശം നാല് വർഷത്തെ ഇടവേളയ്ക്ക് ശേഷമാകും രാജ്യത്ത് ഇന്ധന വിലയില് മാറ്റം വരുന്നത്.