തിരുവനന്തപുരം: പിണറായിക്ക് 19247 വോട്ടിന്റെ ലീഡ്. ധർമ്മടത്ത് പിണറായി വിജയന് വിജയം. തുടക്കം മുതല്‍ വിറപ്പിച്ച അഡ്വ.

അബ്ദുല്‍ റഷീദിനെ വീഴ്ത്തി. . ധര്‍മ്മടം മണ്ഡലത്തില്‍ 19, 247 വോട്ടുകള്‍ക്കാണ് പിണറായി വിജയന്‍ വിജയിച്ചത്. വോട്ടെണ്ണലിന്റെ ഒരുഘട്ടത്തില്‍ കുറേ റൗണ്ട് പിന്നിലായ ശേഷമാണ് പിണറായി വിജയിച്ചു കയറുന്നത്. കോണ്‍ഗ്രസിന്റെ യുവ സ്ഥാനാര്‍ത്ഥി വി പി അബ്ദുള്‍ റഷീദാണ് പിണറായി വിജയനെ വിറപ്പിച്ചത്.

2021 ലെ നിയമസഭ തെരഞ്ഞെടുപ്പില്‍ ധര്‍മ്മടം മണ്ഡലത്തില്‍ നിന്ന് 50,123 വോട്ടുകളുടെ ഭൂരിപക്ഷത്തിനാണ് പിണറായി വിജയന്‍ വിജയിച്ചത്. കഴിഞ്ഞ തവണത്തേതിനേക്കാള്‍ 30,876 വോട്ടുകളുടെ കുറവാണ് ഇത്തവണ ഭൂരിപക്ഷത്തില്‍ പിണറായി വിജയന് കുറഞ്ഞത്. യുഡിഎഫിന്റെ കടുത്ത പോരാട്ടത്തില്‍ വിയര്‍ത്താണ് പിണറായി വിജയിച്ചു കയറുന്നത്. 2016 ല്‍ 36,905 വോട്ടുകളുമായിരുന്നു പിണറായി വിജയന്റെ ഭൂരിപക്ഷം.