സുല്ത്താൻ ബത്തേരി: സുല്ത്താൻ ബത്തേരിയില് തൊണ്ടിമുതല് മോഷണം പോയ സംഭവത്തില് പ്രതിയായ പൊലീസുകാരൻ പിടിയിലായി.
പൊലീസ് സ്റ്റേഷനില് നിന്ന് മോഷണം പോയി പത്താം ദിവസം എറണാകുളത്ത് നിന്നാണ് സബിത്തിനെ പൊലീസ് കസ്റ്റഡിയിലെടുത്തത്.
സ്റ്റേഷനില് സൂക്ഷിച്ചിരുന്ന തൊണ്ടി മുതലായ ഏഴു ചാക്ക് നിരോധിത പുകയില ഉല്പന്നങ്ങള് ആണ് മോഷണം പോയത്. ജൂണ് 7ന് ബത്തേരി ദൊട്ടപ്പകുളത്ത് വെച്ച് പിടികൂടിയ നിരോധിത പുകയില ഉല്പ്പന്നങ്ങളാണ് ഇത്. ഇവ കോടതിയില് ഹാജരാക്കി തിരികെ സൂക്ഷിക്കാൻ ഏല്പ്പിച്ച തൊണ്ടിമുതലാണ്.
മുറി വൃത്തിയാക്കാനായി സ്റ്റേഷൻ റൈറ്ററും അസിസ്റ്റന്റ് റൈറ്ററും എത്തിയപ്പോഴാണ് തൊണ്ടിമുതലുകള് നഷ്ടപ്പെട്ട വിവരം പുറത്തറിയുന്നത്. മുറിയുടെ പൂട്ട് തകർക്കാതെ, താക്കോല് കൈക്കലാക്കിയാണ് മോഷണം നടന്നിരുന്നത്.