പാലക്കാട്: വോട്ടിനായി ബിജെപി പ്രവർത്തക പണം നല്കിയെന്ന ആരോപണത്തില് കൂടുതല് തെളിവുകള് പുറത്ത്. പണം നല്കിയ സ്ത്രീ ശോഭാ സുരേന്ദ്രനൊപ്പം നില്ക്കുന്ന ചിത്രങ്ങളാണ് കോണ്ഗ്രസ് പുറത്തുവിട്ടിരിക്കുന്നത്.
വയോധികയ്ക്ക് പണം കൊടുത്ത സ്ത്രീയെ അറിയില്ലെന്നായിരുന്നു നേരത്തെ ശോഭാ സുരേന്ദ്രൻ മാദ്ധ്യമങ്ങളോട് പ്രതികരിച്ചത്.
മുംബയ് മലയാളിയായ സിമി രാജീവ് എന്ന സ്ത്രീയാണ് പണം നല്കിയതെന്നാണ് വിവരം. ഇവർ ശോഭാ സുരേന്ദ്രനൊപ്പം നില്ക്കുന്ന ചിത്രങ്ങളാണ് കോണ്ഗ്രസ് പുറത്തുവിട്ടത്. പാലക്കാട് ബിജെപി ജില്ലാ കമ്മിറ്റി ഓഫീസില് ശോഭയ്ക്കൊപ്പം ഇവർ നില്ക്കുന്നത് ചിത്രങ്ങളില് കാണാം. കേന്ദ്രമന്ത്രി ശിവരാജ് സിംഗ് ചൗഹാന് ഇരുവശത്തുമായി ഇരുവരും നില്ക്കുന്നതാണ് ചിത്രത്തിലുള്ളത്.