ആവശ്യ സാധനങ്ങള്:
ബസ്മതി റൈസ്- രണ്ട് ഗ്ലാസ്
സവാള- രണ്ട് എണ്ണം
പച്ചമുളക് - നാല് എണ്ണം
തക്കാളി - നാല് എണ്ണം
മല്ലിയില - ആവശ്യത്തിന്
കറവപട്ടയും ഗ്രാമ്പൂവും- 1 ടീസ്പൂണ്
ഗരം മസാല- അര ടീസ്പൂണ്
ഇഞ്ചി വെളുത്തുള്ളി പേസ്റ്റ് - 2 ടീസ്പൂണ്
സണ് ഫ്ളവര് ഓയില്- 2 ടേബിള് സ്പൂണ്
മഞ്ഞള്പ്പൊടി- 1 ടീസ്പൂണ്
ഉപ്പ് - ആവശ്യത്തിന്
കറി വേപ്പില- 2 തണ്ട്
ഉണ്ടാക്കുന്ന വിധം:
ആദ്യം തന്നെ നാല് ഗ്ലാസ് വെള്ളത്തില് ഉപ്പ് ചേർത്ത് തിളപ്പിക്കുക. വെള്ളം തിളച്ച ശേഷം അതിലേക്ക് കഴുകി വെച്ചിരിക്കുന്ന അരി ഇട്ട് നന്നായി വേവിച്ച് മാറ്റി വയ്ക്കുക.
ശേഷം ഒരു പാനില് എണ്ണ ചൂടാക്കി അതിലേക്ക്, കറവപട്ടയും ഗ്രാമ്പൂവും ചേർത്ത് പൊടിച്ചെടുക്കുക. ശേഷം ഇതിലേക്ക് ഇഞ്ചി വെളുത്തുള്ളി പേസ്റ്റ് ചേർത്ത് മൂപ്പിച്ചെടുക്കുക. നന്നായി വഴണ്ട് വരുമ്പോള് ഇതിലേക്ക് അരിഞ്ഞ് വെച്ചിരിക്കുന്ന സവാള ചേർത്ത് കൊടുക്കാം. ഇതിലേക്ക് തക്കാളി ചെറുതായി അരിഞ്ഞത് ചേര്ത്ത് നല്ലതുപോലെ വഴറ്റിയെടുക്കാം. കൂടെ കറിവേപ്പിലയും ചേര്ക്കാം. ഇതിലേയ്ക്ക് മഞ്ഞള്പ്പൊടിയും ഗരം സാലപ്പൊടിയും, മുളക് പൊടിയും ചേര്ത്ത് നന്നായി ഇളക്കുക. ഇതെല്ലം നന്നായി വഴറ്റിയ ശേഷം എണ്ണ തെളിഞ്ഞുവരുമ്പോള് മല്ലിയില ചേര്ത്തുകൊടുക്കണം. തീയണശേഷം വേവിച്ച് വെച്ചിരിക്കുന്ന ചോറ് ഇതിലേയ്ക്ക് ചേര്ത്ത് ഇളക്കിയെടുക്കാം.