ചേരുവകള്‍

പച്ചക്കപ്പ തൊലി ചെത്തി വൃത്തിയാക്കി കഷണങ്ങളാക്കിയത് - 1 കിലോ
തിരുമ്മിയ തേങ്ങ - 1 കപ്പ്
പച്ചമുളക് - 4 എണ്ണം

വെളുത്തുള്ളി - 1 ടീസ്പൂണ്‍
ജീരകം - അര ടീസ്പൂണ്‍
മഞ്ഞള്‍ പൊടി - അര ടീസ്പൂണ്‍
ഉപ്പ് - പാകത്തിന്
വെളിച്ചെണ്ണ - 2 ടീസ്പൂണ്‍
വറ്റല്‍മുളക് (ഓരോന്നും രണ്ടായി മുറിച്ചത്) - 2 എണ്ണം
ചുവന്നുളളി കൊത്തിയരിഞ്ഞത് - ഒരു ടേബിള്‍ സ്പൂണ്‍
കടുക് - അര ടീസ്പൂണ്‍
കറിവേപ്പില - 2 തണ്ട്

തയ്യാറാക്കുന്ന വിധം

പച്ചമുളക്, തിരുമ്മിയ തേങ്ങ, മഞ്ഞള്‍ പൊടി, വെളുത്തുള്ളി, ജീരകം എന്നിവ മിക്സിയില്‍ അരച്ചെടുക്കുക. കപ്പ തിളച്ച വെളളത്തിലിട്ടു വെന്താലുടൻ വെളളം ഊറ്റിക്കളയുക. വെന്ത കപ്പയിലേക്ക് മിക്സയില്‍ അരച്ചെടുത്ത അരപ്പും ആവശ്യത്തിന് ഉപ്പും ചേർത്ത് നല്ലതുപോലെ കുഴച്ചെടുക്കുക. മറ്റൊരു പാത്രം അടുപ്പത്ത് വെച്ച്‌ വെളിച്ചെണ്ണ ഒഴിച്ചു ചൂടാക്കുക. വെളിച്ചെണ്ണ ചൂടാകുമ്പോള്‍ കടുകിട്ടു പൊട്ടിയാലുടൻ ചുവന്നുളളി കറിവേപ്പില, വറ്റല്‍മുളക് എന്നിവയിട്ടു മൂപ്പിക്കുക. മൂത്ത മണം വരുമ്പോള്‍ വാങ്ങിവച്ചു കുഴച്ചുവച്ചിരിക്കുന്ന കപ്പയില്‍ ചേർത്തിളക്കി ചൂടോടെ ഉപയോഗിക്കുക.