ചേരുവകള്
പാവയ്ക്ക
ഉപ്പ്
മഞ്ഞള്പ്പൊടി
എണ്ണ
കടുക്
വെളുത്തുള്ളി
വറ്റല്മുളക്
സവാള
പച്ചമുളക്
തക്കാളി
മുളകുപൊടി
കാശ്മീരിമുളകുപൊടി
മല്ലിപ്പൊടി
കായപ്പൊടി
വാളൻപുളി
ശർക്കര
തയ്യാറാക്കുന്ന വിധം
ഒരു പാൻ അടുപ്പില് വച്ച് ആവശ്യത്തിന് എണ്ണ ഒഴിച്ചു ചൂടാക്കുക അതിലേക്ക് പാവയ്ക്ക കട്ടി കുറച്ച് വട്ടത്തില് അരിഞ്ഞതു ചേർക്കാം. കുറച്ച് ഉപ്പും, മഞ്ഞള്പ്പൊടിയും ചേർത്ത് പാവയ്ക്ക നന്നായി വേവിച്ച് മാറ്റി വയ്ക്കാം. അതേ പാനിലേയ്ക്ക് കുറച്ചു കൂടി വെളിച്ചെണ്ണ ഒഴിക്കാം.
അല്പം കടുക് ചേർത്ത് പൊട്ടിക്കാം. കുറച്ച് വറ്റല്മുളകും, വെളുത്തുള്ളിയും ചേർത്തു വഴറ്റാം. ഇടത്തരം വലിപ്പമുള്ള സവാള കഷ്ണങ്ങളാക്കിയതും രണ്ട് പച്ചമുളകും ചേർത്തു വേവിക്കാം. പച്ചക്കറികള് വെന്തു വരുമ്പോള് തക്കാളി ഉടച്ചെടുത്തതു ചേർത്തിളക്കാം.
വെന്തു വരുമ്പോള് അല്പ്പം മഞ്ഞള്പ്പൊടി, കാശ്മീരിമുളകുപൊടി, സാധാരണ മുളകുപൊടി, രണ്ട് ടേബിള്സ്പൂണ് മല്ലിപ്പൊടി, അല്പ്പം കായപ്പൊടിയും ചേർത്തിളക്കി യോജിപ്പിക്കാം.
വേവിച്ചു മാറ്റി വച്ച പാവയ്ക്ക് അതിലേക്കു ചേർക്കാം.നെല്ലിക്ക വലിപ്പത്തിലുള്ള വാളൻപുളി വെള്ളത്തില് കുതിർത്തു വച്ചതു ചേർത്ത് മസാലകളെല്ലാം ഇളക്കി യോജിപ്പിക്കാം.
പത്ത് മുതല് പതിനഞ്ച് മിനിറ്റു വരെ വേവിക്കാം. തിളച്ചു വരുമ്പോള് അടുപ്പണച്ച് അല്പ്പം കറിവേപ്പില കൂടി ചേർക്കാം. പാവയ്ക്ക പുളിങ്കറി തയ്യാറായിരിക്കുന്നു.