നിലവിലുള്ള ഐഫോണ്‍ 16, ഐഫോണ്‍ 17, ഐഫോണ്‍ 17ഇ തുടങ്ങിയ പ്രധാന മോഡലുകള്‍ക്കെല്ലാം കമ്പനി വില കൂട്ടിയിട്ടുണ്ട്. വിപണിയിലെ പുതിയ സാമ്പത്തിക സാഹചര്യങ്ങളും ഇറക്കുമതി മാറ്റങ്ങളും കണക്കിലെടുത്താണ് ഈ തീരുമാനം എന്നാണ് സൂചന.

ഏറ്റവും പുതിയ വിവരങ്ങള്‍ അനുസരിച്ച്‌, ഐഫോണ്‍ 17ഇ മോഡലിന് 15,000 രൂപയും, ഐഫോണ്‍ 16-ന് 10,000 രൂപയും വർധിച്ചിട്ടുണ്ട്. ഇതോടെ ഐഫോണ്‍ 17ഇ വില ഏകദേശം 79,900 രൂപയായും ഐഫോണ്‍ 16 വില 89,900 രൂപയായും ഉയർന്നു. വൻ ജനപ്രീതിയുള്ള ഐഫോണ്‍ 17-ന് ഒറ്റയടിക്ക് 17,000 രൂപയോളമാണ് വർധിപ്പിച്ചത്. പുതിയ വില വിവരപ്രകാരം ഐഫോണ്‍ 17 സ്വന്തമാക്കാൻ ഇനി ഇന്ത്യയില്‍ 99,900 രൂപ നല്‍കേണ്ടി വരും. ഏറ്റവും വലിയ വർധനവ് രേഖപ്പെടുത്തിയത് സ്ലിം ഡിസൈനിലുള്ള ഐഫോണ്‍ എയറിനാണ്. ഈ മോഡലിന് 30,000 രൂപ വർധിപ്പിച്ച്‌ 1,49,900 രൂപയാക്കി മാറ്റിയിട്ടുണ്ട്.

ഈ വില വർധനവിനൊപ്പം ആപ്പിളിന്റെ പുതിയ ഫ്ലാഗ്ഷിപ്പ് ഫോണുകളും വിപണിയിലേക്ക് എത്തുന്നുണ്ട്. പുതിയ ഐഫോണ്‍ 18 പ്രോയ്ക്ക് 1,64,900 രൂപയും, പ്രോ മാക്സിന് 1,79,900 രൂപയുമാണ് പ്രാരംഭ വില. സെപ്റ്റംബർ 12 മുതല്‍ ഇവയുടെ പ്രീ-ഓർഡർ ആരംഭിക്കും. ഇതിനുപുറമെ, ആപ്പിളിന്റെ ആദ്യ ഫോള്‍ഡബിള്‍ ഫോണായ 'ഐഫോണ്‍ ഡ്യുവോ'യും കമ്പനി പ്രഖ്യാപിച്ചിട്ടുണ്ട്. ഏകദേശം 2,99,900 രൂപ മുതല്‍ ആരംഭിക്കുന്ന ഈ ഫോള്‍ഡബിള്‍ ഫോണിന്റെ പ്രീ-ഓർഡർ ഒക്ടോബർ 16 മുതല്‍ ആരംഭിക്കുമെന്നും കമ്പനി അറിയിച്ചു.