വയനാട്: കനത്ത മഴ തുടരുന്ന പശ്ചാത്തലത്തിലും ജില്ലയില് കേന്ദ്ര കാലാവസ്ഥാ വകുപ്പ് റെഡ് അലർട്ട് പ്രഖ്യാപിച്ച സാഹചര്യത്തിലും വിദ്യാഭ്യാസ സ്ഥാപനങ്ങള്ക്ക് ബുധനാഴ്ച (ഓഗസ്റ്റ് 5) അവധിയായിരിക്കുമെന്ന് ജില്ലാ കളക്ടർ ഡിആർ മേഘശ്രീ അറിയിച്ചു.
മതപഠന ക്ലാസ്സുകള്, ട്യൂഷൻ സെന്ററുകള്, കോച്ചിങ് ക്ലാസ്സുകള്, സ്പെഷ്യല് ക്ലാസ്സുകള്, ഉള്പ്പടെയുള്ള സ്ഥാപനങ്ങള്ക്ക് അവധി ബാധകമാണ്. റെസിഡൻഷ്യല് സ്കൂളുകള്ക്കും റെസിഡൻഷ്യല് കോളേജുകള്ക്കും പ്രവർത്തിക്കാം.
അതേസമയം, സംസ്ഥാനത്ത് വരും ദിവസങ്ങളില് മഴ അതിശക്തമായി തുടരുമെന്ന് കേന്ദ്ര കാലാവസ്ഥാ വകുപ്പ് അറിയിച്ചു. 24 മണിക്കൂറില് 204.4 മില്ലിമീറ്ററില് കൂടുതല് മഴ ലഭിക്കാൻ സാധ്യതയുള്ളതിനാല് ഇന്ന് (ഓഗസ്റ്റ് 4) എട്ട് ജില്ലകളില് റെഡ് അലർട്ട് പ്രഖ്യാപിച്ചിട്ടുണ്ട്.
പത്തനംതിട്ട, കോട്ടയം, ഇടുക്കി, എറണാകുളം, കോഴിക്കോട്, വയനാട്, കണ്ണൂർ, കാസറഗോഡ് എന്നീ ജില്ലകളിലാണ് ഇന്ന് റെഡ് അലർട്ട് നിലവിലുള്ളത്. ഇതോടൊപ്പം ആലപ്പുഴ, തൃശൂർ, പാലക്കാട്, മലപ്പുറം ജില്ലകളില് ഇന്ന് ഓറഞ്ച് അലർട്ടും തിരുവനന്തപുരം, കൊല്ലം ജില്ലകളില് മഞ്ഞ അലർട്ടും പ്രഖ്യാപിച്ചിട്ടുണ്ട്.