Tuesday, 14 Jul, 4.20 pm Kerala OnlineNews

ലേറ്റസ്റ്റ് ന്യൂസ്
കോട്ടയത്ത് നിരീക്ഷണത്തിലിരിക്കെ ആത്മഹത്യ ചെയ്ത മെഡിക്കല്‍ വിദ്യാര്‍ത്ഥിനിയുടെ കോവിഡ് ഫലം നെഗറ്റീവ്

കോട്ടയം: കോവിഡ് നിരീഷണത്തില്‍ ആയിരിക്കെ ആത്മഹത്യ ചെയ്ത മെഡിക്കല്‍ വിദ്യാര്‍ഥിനിയുടെ പരിശോധനാ ഫലം നെഗറ്റീവ്. ചൊവ്വാഴ്ച ഉച്ചയോടെയാണ് പരിശോധനാഫലം ലഭിച്ചത്. ചങ്ങനാശ്ശേരി പായിപ്പാട് കൃഷ്ണപ്രിയയെ തിങ്കളാഴ്ച രാത്രിയാണ് വീട്ടിനകത്ത് തൂങ്ങിമരിച്ച നിലയില്‍ കണ്ടെത്തിയത്. റഷ്യയില്‍ പഠിച്ചിരുന്ന വിദ്യാര്‍ഥിനി ഒരാഴ്ച മുമ്ബാണ് നാട്ടിലെത്തിയത്.വീട്ടുനിരീക്ഷണത്തില്‍ കഴിയുന്നതിനുള്ള സൗകര്യത്തിന് വേണ്ടി കൃഷ്ണപ്രിയയുടെ വീട്ടുകാര്‍ മറ്റു ബന്ധുവീടുകളിലേക്ക് മാറിയിരുന്നു. ഇന്നലെ ഉച്ചവരെ വീട്ടുകാരോട് കൃഷ്ണപ്രിയ ഫോണില്‍ സംസാരിച്ചിരുന്നു. എന്നാല്‍ വൈകിട്ട് കുട്ടിയുമായി ബന്ധപ്പെടാന്‍ സാധിച്ചില്ല. തുടര്‍ന്ന് അയല്‍വീട്ടുകാര്‍ ജനല്‍ചില്ല് തകര്‍ത്ത് നോക്കിയപ്പോള്‍ വിദ്യാര്‍ഥിനിയെ തൂങ്ങിമരിച്ച നിലയില്‍ കാണുകയായിരുന്നു.

ഇവര്‍ക്ക് രോഗലക്ഷണം ഉണ്ടായിരുന്നില്ല.സ്രവ സാമ്ബിളിന്റെ പരിശോധനാഫലം ലഭിച്ചതോടെ മറ്റുനടപടികള്‍ പൂര്‍ത്തിയാക്കും. സംസ്‌കാരം ഇന്ന് നടത്തും.കോവിഡ് നിരീക്ഷണത്തില്‍ കഴിഞ്ഞതിന്റെ മാനസിക സമ്മര്‍ദ്ദമാണോ ആത്മഹത്യയിലേക്ക് നയിച്ചത് എന്നതുള്‍പ്പടെയുളള കാര്യങ്ങളും പൊലീസ് പരിശോധിക്കുന്നുണ്ട്. വിദ്യാര്‍ഥിനിയുടെ മൊബൈല്‍ ഫോണ്‍, ലാപ്ടോപ്പ് എന്നിവയും പൊലീസ് പരിശോധിക്കും.

Dailyhunt
Disclaimer: This story is auto-aggregated by a computer program and has not been created or edited by Dailyhunt. Publisher: Kerala Online News
Top